Tag: غزل

ناز مظفر آبادی  زیرِطبع ساتویں شعری مجموعہ"فاصلہ"سے  جو بن مطلب نہیں ملتا کسی سے  ہمیں مطلب نہیں اُس مطلبی سے  اُسے جب تک نہیں دیکھا تھا میں نے  شغف مجھ کو نہیں تھا شاعری سے  رگِ جاں سے بھی جو نزدیک تر تھے اب اُن سے رابطے ہیں واجبی سے  تمہاری بزم سے ہم تنگ آکر چلے جائیں گے اک دن خامشی سے  کبھی یہ بھول کر بھی مت سمجھنا کہ سمجھوتا کریں گے زندگی سے  بہت سے لوگ تائب ہو چکے ہیں  مرے منصف تمہاری منصفی سے  بظاہر اُس کے خط میں کچھ نہیں تھا  وہی دوچار جملے سرسری سے  اُٹھاتا ہے ہمیشہ فائدہ وہ  شرافت سے ہماری سادگی سے  عجب حالات میں نکلے بالآخر  کہ پہلے اُس کے دل پھر نوکری سے ...

غزل زکریا شاذ  ملے ہی جن سے نہ سوزوگداز پڑھتے ہوئے ہم ان سے کیوں نہ کریں احتراز پڑھتے ہوئے کہیں کہیں سے پڑھوں میں کتاب اپنی بھی کہ اپنا بھی نہیں رکھتا لحاظ پڑھتے ہوئے تمام عمر جسے پوجا ہو خدا کی طرح وہ یاد آئے نہ کیسے نماز پڑھتے ہوئے کُھلی کتاب سا تھا جسم کوئی ہاتھوں میں سو کُھلتے جاتے تھے رازوں پہ راز پڑھتے ہوئے کوئی ورق نہیں ایسا جو تربتر نہ ملے یہ کون رویا ہماری بیاض پڑھتے ہوئے دُھنیں نہ خود ہی سر اپنا، لکھیں تو ایسا لکھیں سدا زمانہ کرے جس پہ ناز پڑھتے ہوئے یہ زندگی کسی مکتب سے کم نہیں دیکھی تمام عمر گزاری ہے شاذ پڑھتے ہوئے ...

 ڈاکٹر توقیر گیلانی  جنوں ملا ، جنوں سے کچھ نہیں بنا ابھی ہمارے خوں سے کچھ نہیں بنا قدیم چھت جگہ جگہ سے گر گئی تو بیچ کے ستوں سے کچھ نہیں بنا ! پہاڑ ایک ایک کر کے کٹ گئے حسین وادیوں سے کچھ نہیں بنا ہماری نیتوں میں ہی فتور تھا ہمارا آیتوں سے کچھ نہیں بنا وہ بستیوں کو روند کر چلے گئے سفید پرچموں سے کچھ نہیں بنا نہیں نہیں یہ کچھ دنوں کی بات ہے ہمارا کچھ دنوں سے کچھ نہیں بنا تم آؤ گے تو کچھ نہ کچھ بناؤ گے یہاں تو مدتوں سے کچھ نہیں بنا ہمارے حق میں اتنے ہاتھ اٹھ گئے ہمارے منکروں سے کچھ نہیں بنا ...

غزل  فاروق صابر تاریک ہیں حالات ذرا دیکھ کے چلنا ہر آن ہیں خطرات ذرا دیکھ کے چلنا یہ راہِ محبت ہے میاں کیسی مسّرت؟  ہر گام ہیں صدمات ذرا دیکھ کے چلنا اِک شہر خطرناک ہے پھر چاروں طرف سے پڑتے ہیں مضافات ذرا دیکھ کے چلنا اے عشق تُو اس دشت میں تنہا تو نہیں ہے میں بھی ہوں ترے ساتھ ذرا دیکھ کے چلنا تقدیس لبادے میں ہے کردار میں تلبیس دنیا ہے یہ کم ذات ذرا دیکھ کے چلنا نادان مشینوں کو خدا مان رہے ہیں معبود ہیں آلات ذرا دیکھ کے چلنا مجبور ہیں حالات کے مارے ہوۓ مزدور گھر اُن کا ہے فٹ پاتھ ذرا دیکھ کے چلنا وہ جبر مسلسل ہے کہ ہر آنکھ ہے پُرنم اشکوں کی ہے برسات ذرا دیکھ کے چلنا لازم ہے کہ بدلے گا یہ دستور بھی صابر بدلیں گے یہ دن رات ذرا دیکھ کے چلنا ...