رباب عائشہ۔مصنفہ۔ کالم نگار۔ افسانہ نگار

19/07/2022 by editor

رباب عائشہ

محترمہ رباب عائشہ ملک کی ایک مایہ ناز سنئیر اخبارنویس ، کالم نگار اور لکھاری ہیں۔جنھوں نے ملک کے موقر اخبارات روزنامہ جنگ اور نوائے وقت میں طویل عرصے تک صحافتی خدمات انجام دیں ۔

۔سینٹ تھریسا سکینڈری سکول راولپنڈی سے ابتدائی تعلیم کے بعد مزید تعلیم پوسٹ گریجوئیٹ کالج برائے خواتین راولپنڈی سے مکمل کی۔

رباب عائشہ کا تخلیقی سفر

انھوں نے سکول کے زمانے سے ہی کہانیاں لکھنے کا سلسلہ شروع کر دیا تھا جو ماہنامہ تعلیم و تربیت اور “ہدایت ” لاہور میں شائع ہوئیں۔دوران تعلیم ہی روزنامہ کوہستان اور روزنامہ جنگ میں ان کے مضامین شائع ہونا شروع ہو گئے تھے ۔ کالج میگزین میں بھی تحریریں شائع ہوئیں۔

رباب عائشہ کا صحافتی دور

انھوں نے 1966 میں روزنامہ جنگ راولپنڈی میں باقاعدہ ملازمت اختیار کی اور پچیس سال تک جنگ راولپنڈی میں خواتین کے صفحات اور میگزین کی مدیرہ رہیں۔روزنامہ جنگ سے ریٹائرمنٹ کے 1991 میں روزنامہ نوائے وقت سے وابستہ ہوگئیں اور روزنامہ نوائے وقت میں خواتین کا صفحہ ترتیب دیتی رہیں۔ہفتہ وار کالم لکھنے کے ساتھ ساتھ رپورٹنگ بھی کی۔ اس دوران ریڈیو پاکستان اور آزاد کشمیر ریڈیو سے بھی مختلف پروگرام کرتی رہیں۔

انھوں نے مختلف غیر سرکاری اداروں کے لیے بھی کام کیا اور مختلف سماجی اور تعلیمی موضوعات پر عوام میں شعور کی بیداری کے لیے مضامین لکھے اور کتا بوں کے تراجم کئے۔ عالمی ادارہ یونیسف نے آئیوڈین کا پروگرام شروع کیا اس حوالے سے رباب عائشہ کی تحریر کردہ کہانیوں کا مجموعہ شا ئع کیا گیا۔

رباب عائشہ کی تصانیف