شاعر: ندیم پہانوڑی

کشمیریں     نی     داد        رسیحا   
ربّا  ہون       کوئ   پہج      مسیحا
اس پار  بیٹھنے اُس پار       بیٹھنے
ٹوکڑے   کیتیا        اخیار     بیٹھنے
وادای          اُپر       قربان      ہو یا
جوان    ماڑے    وی    تیار    بیٹھنے
بچہ        بچہ    قمر             کسیغا
ربّا  ہون       کوئ   پہج       مسیحا
ظلم     کری    گا    دشمن       ظالم
چپ      دا     سارا   اقوام       عالم
جس اوپر سنیاں  آ ساں       امیداں
تماشا     دکھنا     ہو  سجن       بالم
کُن   اپنا دہ  کُن  پرایا وقت  داسیغا
ربّا  ہون       کوئ   پہج       مسیحا
میگی    قیمت    کشمیری   ہونے نی
بغانیاں   روز     ہک    ندی خونے نی
عزت     اپنیاں     لوٹنیاں     دیکھی
اچھے  کھانا     کہڑی     سکونے  نی
قاتل       اچھی      اندر         بسیغا
ربّا  ہون       کوئ   پہج       مسیحا
ظلم    یو    اتنا     ہونیاں     دیکھی
ماوری    بہنری     رونیاں      دیکھی
بچیاں    بڈیاں    نے   جذبے   دیکھا
جوانے     نیاں    لاشاں ٹونے   دکھی
پہانوڑی   نی یں  آکّھئ خون رسیغا
ربّا  ہون       کوئ   پہج       مسیحا
۔۔۔۔ندیم ۔۔پہانوڑی۔ ۔۔۔۔

ماڑا بچپن کتنا پیارا
یاداینا میں ہک ہک تیاڑا
ماڑا بچپن کتنا پیارا
کپڑیں نے لاخے نہ ہونا سا گارا
مہلیش یہ  نہ سوٹ چہڑہہ نہ
پلاسٹیک کہ نہ بوٹ پہڑھے نہ
لیریں کنے تہسماں بنانا
تاتیا چوریا نے جوڑا نہ
ماڑا بچپن کیتنا پیارا
یاد اینا میں ہک ہک تیاڑا
کچھےہیٹھا کوڑتی پہڑینی
پینچے اپرا تمبی سڑی نی
ہوٹیں کنے سیای میلی نی
بنٹیاں کنے جیو پہری نی
ماڑا بچپن کیتنا پیارا
یاد یاد اینا میں ہک ہک تیاڑا
لونی کنے لاکڑی بنای نی
گلے بیچ بڑی جہی گلیل بای نی
کاچے کنے چولا لانہ
بہچ بڑی جہی تختی باہی نی
ماڑا بچپن کیتنا پیارا
یاد اینا میں ہک ہک تیاڑا
۔۔۔۔ندیم پہانوڑی۔ ۔۔۔

تیاڑی لای آہس اندر نخرے نہ اگے کرنی کر
چولے اگے بجی بجی فرماشاں نہ کرنی کر
موٹیں نہ چولا پہرا نہ آگہ اس پہخاہی نی
اتنی سوچ وی نہی اینی اگ روپیں لای نی
بہلےبجےکولا  کہنگرےنہیا بوریاں پرنی کر
چولے اگے بجی بجی فرماشاں نہ کرنی کر
کتنا  مینگا   آٹا دا  یو  کتنی   منگی چینی
جس ویلے دیکھاں میں چا ہر  ویلے   پہنی
تھوڑی تھوڑی چا بنا دہگ نہ اتنی پرنی کر
چولے اگے بجی بجی فرماشاں نہ کرنی کر
گل ماڑی  یو بجینی نی کلیجا  ماڑا  ساڑنی
انواڈ  گانوانڈ   بجی  تہ گاپاں   یو    مارنی
ہوش کری تہ دہدےدہدے اندر لہ   مرنی کر
چولے اگے بجی بجی فرماشاں   نہ کرنی کر
۔۔۔ندیم پہانوڑی۔ ۔۔



کچے    تھم    تے          کچیاں      براساں

میں     نکہ   جہیا        ٹارا           بناساں

ہک کونے      بیچ        آنگیٹی         ہوسی

آدے ڈھرے   بچ اُسنی  نیٹھی        ہوسی 

اُس   بیچ    رھڑی نے    ۔ ٹال      پیخاساں

میںن     نیکہ       جہیا   ٹارا         بناساں

بدلیں  بیچ    ٹینا  نی   ڈنڈ      نہ   ہوسی

سیرے   نی  وی    یو  چنڈ       نہ   ہوسی

راتی    تہ   میں    سوخے      نے    ساساں

میں      نیکہ     جہیا     ٹارا          بناساں  

پھرنا  پھرنا   جدوں   اے     سی     سیالا 

چھاتے   بیچ      او کیلیوں      وی      کالا

گواری      ماری ماری     تہ           لواساں

میں     نیکہ        جہیا       ٹارا      بناساں 

ناڑے   وی    ڈاکّا    نہس      لاخنے     دینا

اوتھرو وی     میں   نہس     بخنے      دینا

راتی     چاپّیڑ     میں     ماری   تہ ساساں

میں     نیکہ        جہیا       ٹارا      بناساں 

ہک   گل  دی        اون      ما نہ       ہوسی

کول بہن    کوی        پرا     نہ        ہوسی

اپنے  بچیاں  اونے   نے    قیسے    سناساں

میں     نیکہ        جہیا       ٹارا      بناساں

۔۔۔۔۔۔،۔۔۔۔۔۔۔۔۔