July 1, 2022

خواتین میں سرٹیفیکیٹ کی تقسیم اورتیارکردہ ملبوسات کی نمائش

باغ ( پی ایف پی نیوز )
ہنر مند خواتین ایک قومی سرمایہ ہیں جو ہنر سیکھ کر اپنی صلاحیتوں میں اضافہ کرتی ہیں اور خاندان کی آمدنی میں اضافہ کر کے اپنے معاشی مسائل کم کر سکتی ہیں – پریس فارپیس فاونڈیشن خواتین کی پیشہ ورانہ تربیت اور ان کے مسائل کے حل کے لئے تمام وسائل بروۓ کار لاۓ گی -ان خیالات کا اظہار پریس فار پیس فاؤندیشن کی پراجیکٹ منیجر روبینہ ناز نے ویمن ووکشنل سنٹرناڑشیر علی خان  سے تربیت مکمل کرنے والی خواتین میں سرٹیفیکٹ تقسیم کرنے کی تقریب سے خطاب کرتے ہوۓ کیا –

YouTube player

  تقریب میں پریس فارپیس فاؤنڈیشن کےسنیر  ذمہ داران   یوسف کشمیری ، زاہد گیلانی  ، شوکت تیمور کے علاوہ صدر تقریب صوبیدار فاروق خان ، فرہاد کاظمی ،طارق ماگرے،مختار ماگرے اور دیگر مقررین نے بھی خطاب کیا –

YouTube player
پریس فارپیس فاؤنڈیشن کے زاہد گیلانی تقریب تقسیم اسناد سے خطاب کررہے ہیں

تقریب سے خطاب کرتے ہوۓ  پریس فارپیس فاؤنڈیشن کےسنئیر  عہدے داران یوسف کشمیری ، زاہد گیلانی اور شوکت تیمور نے کہا کہ پسماندہ علاقوں میں فلاحی اور تعمیری سرگرمیوں کے فروغ کے لیے مزید اقدامات کیے جائیں گے -پسماندہ علاقوں کی خواتین صلاحیتوں سے مالا مال ہیں-

YouTube player
پریس فار پیس کی پراجیکٹ مینیجر روبینہ ناز تقریب تقسیم اسناد سے خطاب کررہی ہیں


روبینہ ناز نے اعلان کیا کہ پریس فار پیس فاؤنڈیشن کے زیر اہتمام آئندہ شروع ہونے والے تربیتی  مراکز میں خواتین کو کمپیوٹر کی تربیت بھی دی جاۓ گی کیونکہ حالیہ لاک ڈاؤن میں یہ مشاہدے میں آیا کہ جن بچوں کے والدین کمپوٹر کے استعمال کی مہارت نہیں رکھتے ان کو مشکلات کا سامنا کرنا پڑا اور بچوں کا تعلیمی حرج ہوا جس کے پیش نظر خواتین کو بھی کمپیوٹر کی تعلیم کا اہتمام کرنے کا فیصلہ کیا گیا ہے -انھوں نے ناڑ شیر علی خان کے لوگوں کی تعمیری اور فلاحی سرگرمیوں کی سرپرستی کرنے پر انھیں زبردست خراج تحسین پیش کرتے ہوۓ کہا کہ اپنی مدد آپ کے تحت مل جل کر پسماندہ علاقے کے مسائل کو کم کیا جا سکتا ہے

اس موقع پر خواتین کے بناۓ ہوۓ ملبوسات کی نمائش کا اہتمام بھی کیا گیا تھا –

YouTube player
یوسف کشمیری

شرکا ء تقریب نےمقامی خواتین اور لڑکیوں کی صلاحیتوں کو زبر دست خراج تحسین پیش کیا –  اس موقع پر خواتین میں کتب اور رسائل بھی تقسیم کئے گئے جن کا مقصد مطالعے کو فروغ دینا ہے – سماجی شخصیات صوبیدار فاروق خان ، فرہاد کاظمی ،طارق ماگرےاور مختار ماگرے نے پریس فار پیس فاونڈیشن کی دور دراز علاقوں کی ترقی کی کوششوں کو سراہتے ہوۓ مستقبل میں ہر قسم کی سرپرستی اور تعاون کی یقین دہانی کرائی –

Close