شاعری

آرسی رؤف ہم خوابوں کے مسافر ہیں ہر روز نیا خواب بنتے اس کی تعبیر میں سرگرداں یہ بھول جاتے ہیں کاتب تقدیر نے جو لکھ دیا ہے وہی ملے گا پھول جس کے پودے کا تخم رب نے بویا ہے بس وہی کھلے گا لیکن خواہشیں تو ابلق بے لگام کی صورت سر پٹ دوڑتی من میں آ سمائیں اور تار عنکبوت بن کر دل کے وسط میں جال بچھائیں پھر جو من الجھا رہے بے لگام ہو کر اس میں تو خواہشوں، آرزوؤں کی یہ مکڑی اپنے تانے بانے میں پھنسا کر ماردیتی ہے ہاں مگر جب سیکھ جائیں ہم ان کو درست سمت دےدینا یہی تو پار لگاتی ہیں ریشمی خیالوں کی ڈور نرم لہجے کی بنت دھیرے دھیرے اس چنگل سے بچا کر راہ زیست کو ریشمی کرتی مخملیں بناتی ہے بے سکونی کے بادل چھٹا کر گردا گرد سکوں کے ہالے سجاتی ہے. ہمیں اک نئی دنیا میں جا بساتی ہے...

سمیہ شاہد۔ لاہور حسیں چہرے بہت دیکھے حسیں چہروں کے پیچھے راز بھی کھلتے ہو ئے  دیکھے حسیں چہروں پہ چھائے حسن کے پردے ہٹے تو بھید یہ پایا کہ دنیا کے حسیں لوگوں کا ظاہر اور باطن اور ہوتا ہے حسیں لوگوں پہ سوچا تو اک ایسا پاک اور پیارا حسیں چہرہ تصور میں چمک اٹھا وہ چہرہ جس سے پیارا کوئی چہرہ تھا نہ ہی ہوگا چلو اُس حُسنٍ کامل ہستی کی بستی میں چلتے ہیں سراپا حسنٍ صادق کی حسیں سیرت میں ہو کے غوطہ زن قول و عمل کے موتی چنتے ہیں

ادیبہ انور نئی صبح نیا سال۔ لیکن میں۔۔۔۔؟میرا نیا سال کہاں ہے میں ایک عورت، ایک ماں، میرے شب و روز تو ویسے کے ویسے ہیں وہی گھر اور گھر کی دیواریں۔ اداس شامیں اور بے چین راتیں وہی میرا دل اور میری گھٹن۔ وہی ہر روز کی ادھوری کہانی ناتمام کاموں پر خود کو کوسنے ذمہ داریوں کے بیچو ں بیچ میری آنکھوں سے ٹپکتے خواب میری فراغت کے لمحوں میں لکھے چند الفاظ جو میں نے دوڑتی زندگی سے  چند لمحےچھین کر لکھے ہیں۔ ان میں بھی اب نیا پن نہیں۔ دہلیز پر کھڑی میں اس سوچ میں گم تھی کہ نئے سال کی  صبح نے نرمی سے میرا ہاتھ پکڑا مجھے دھیرے سے چھوا اور کہا یہ دیکھو پیاری 365 دنوں کا ایک نیا چکر رب کی عطا ہے اس پر لکھا ہر دن ہر رات ، ہر پہر تمہارا ہے تم اس حسین دنیا کی ملکہ ہو تم جادو گرنی ہو تمہارے مسکرانے سے تمہارے بچوں کی آنکھوں کے جگنو جلتے ہیں۔ تمہارے ہنسی سے تمہارے شوہر کی ھڑکنیں چلتی...