کرن عباس کرن


کرن عباس کرن

ﺪﯾﺪ ﺳﺮﺩﯼ ﮐﮯ ﺑﻌﺪ ﺍﺏ ﺍﺱ ﺣﺴﯿﻦ ﻭﺍﺩﯼ ﻣﯿﮟ ﺑﮩﺎﺭ ﮐﺎ ﺁﻏﺎﺯ ﮨﻮ ﭼﮑﺎ ﺗﮭﺎ۔ ﺍﮔﺮﭼﮧ ﯾﮩﺎﮞ ﮐﮯ ﭼﺎﺭﻭﮞ ﻣﻮﺳﻢ ﺣﺴﻦ ﮐﮯ ﻟﺤﺎﻅ ﺳﮯ ﺳﺎﺭﯼ ﺩﻧﯿﺎ ﻣﯿﮟ ﺍﭘﻨﯽ ﺍﻧﻔﺮﺍﺩﯼ ﺣﺜﯿﺖ ﺭﮐﮭﺘﮯ ﮨﯿﮟ۔ ﻣﮕﺮ ﺑﮩﺎﺭ ﻣﯿﮟ ﺗﻮ ﯾﻮﮞ ﻟﮕﺘﺎ ﮨﮯ ﺟﯿﺴﮯ ﺟﻨﺖ ﮐﻮ ﺯﻣﯿﻦ ﭘﮧ ﺍﺗﺎﺭ ﺩﯾﺎ ﮔﯿﺎ ﮨﻮ۔

ﺑﮩﺎﺭ ﮐﺎ ﺁﻏﺎﺯ ﮨﻮﺗﮯ ﮨﯽ ﺯﻣﯿﻦ ﮐﯽ ﺭﻭﻧﻘﯿﮟ ﻟﻮﭦ ﺁﺋﯽ ﺗﮭﯿﮟ۔ ﺧﺎﻟﯽ ﺗﻨﮩﺎ ﺩﺭﺧﺘﻮﮞ ﭘﮧ ﭘﺘﮯ ﻟﻮﭦ ﭼﮑﮯ ﺗﮭﮯ۔ ﮨﺮ ﻃﺮﻑ ﭘﮭﻮﻟﻮﮞ ﮐﯽ ﺑﮩﺎﺭ ﺗﮭﯽ۔ ﺗﺮﻭﺗﺎﺯﮦ ﺳﻮﺭﺝ ﮐﯽ ﺳﻨﮩﺮﯼ ﮐﺮﻧﯿﮟ ﺟﺐ ﭼﮭﻮﭨﯽ ﭼﮭﻮﭨﯽ ﮔﮭﺎﺱ ﭘﺮ ﭘﮍﺗﯿﮟ ﺗﻮ ﺭﻭﺡ ﻣﯿﮟ ﺗﺎﺯﮔﯽ ﺍﺗﺮ ﺟﺎﺗﯽ۔ ﺍﻭﺭ ﺍﭘﻨﯽ ﻣﺴﺘﯽ ﻣﯿﮟ ﮔﻢ ﺑﮩﺘﮯ ﻧﺪﯼ ﻧﺎﻟﻮﮞ ﻣﯿﮟ ﺟﺐ ﮔﮩﺮﮮ ﻧﯿﻠﮯ ﺁﺳﻤﺎﻥ ﺍﻭﺭ ﺷﻮﺭ ﻣﭽﺎﺗﮯ، ﻧﻐﻤﮯ ﺳﻨﺎﺗﮯ ﭘﺮﻧﺪﻭﮞ ﮐﺎ ﻋﮑﺲ ﭘﮍﺗﺎ ﺗﻮ ﯾﮧ ﻣﻨﻈﺮ ﮐﺴﯽ ﺑﮭﯽ ﺫﯼ ﺷﻌﻮﺭ ﮐﻮ ﻣﺪﮨﻮﺵ ﮐﺮﻧﮯ ﮐﯽ ﺻﻼﺣﯿﺖ ﺭﮐﮭﺘﺎ ﺗﮭﺎ۔ ﺍﯾﺴﮯ ﺧﻮﺑﺼﻮﺭﺕ ﻣﻨﺎﻇﺮ ﻣﯿﮟ ﺳﺮﯾﻠﯽ ﺁﻭﺍﺯﻭﮞ ﻭﺍﻟﮯ ﭘﺮﻧﺪﻭﮞ ﮐﯽ ﺧﻮﺷﯽ ﺩﯾﺪﻧﯽ ﮨﻮﺗﯽ ﺗﮭﯽ۔

ﺩﺭﻧﺎﺏ ﺻﺒﺢ ﮐﯽ ﻋﺒﺎﺩﺕ ﮐﮯ ﺑﻌﺪ ﺻﺤﻦ ﻣﯿﮟ ﭼﮩﻞ ﻗﺪﻣﯽ ﮐﺮ ﺭﮨﯽ ﺗﮭﯽ۔ ﺍﺱ ﮐﯽ ﺧﻮﺑﺼﻮﺭﺕ ﺑﮍﯼ ﺑﮍﯼ ﺳﯿﺎﮦ ﺁﻧﮑﮭﻮﮞ ﻣﯿﮟ ﻋﺠﯿﺐ ﺍﻟﺠﮭﻦ ﺗﮭﯽ۔ ﭼﮩﺮﮮ ﭘﮧ ﭘﺮﯾﺸﺎﻧﯽ ﮐﮯ ﺁﺛﺎﺭ ﻭﺍﺿﺢ ﺗﮭﮯ۔ ﻣﮕﺮ ﺟﺐ ﮔﺎﺗﯽ ﮨﻮﺋﯽ ﺷﺮﺍﺭﺗﯽ ﭼﮍﯾﺎﮞ ﺻﺤﻦ ﻣﯿﮟ ﺭﮐﮭﮯ ﺩﺍﻧﮯ ﭘﺎﻧﯽ ﭘﺮ ﺁ ﮐﺮ ﺷﻮﺭ ﻣﭽﺎﺗﯿﮟ ﺗﻮ ﺍﯾﮏ ﻟﻤﺤﮯ ﮐﻮ ﻭﮦ ﺍﭘﻨﺎ ﺩﮐﮫ ﺩﺭﺩ ﺑﮭﻮﻝ ﺟﺎﺗﯽ۔ ﺍﺳﮯ ﭘﺮ ﺍﻣﻦ ﭘﺮﻧﺪﮮ ﺑﮩﺖ ﭘﺴﻨﺪ ﺗﮭﮯ ﺟﻮ ﺁﺯﺍﺩ ﻓﻀﺎﺅﮞ ﻣﯿﮟ ﺧﻮﺷﯽ ﮐﮯ ﮔﯿﺖ ﮔﺎﺗﮯ ﺗﮭﮯ۔

ﭘﺮﻧﺪﻭﮞ ﮐﻮ ﺩﺍﻧﮧ ﺍﻭﺭ ﭘﻮﺩﻭﮞ ﮐﻮ ﭘﺎﻧﯽ ﺩﮮ ﮐﺮ ﺟﺐ ﻭﮦ ﭼﮭﺖ ﭘﺮ ﮔﺌﯽ ﺗﻮ ﺳﺎﺗﮫ ﻭﺍﻟﮯ ﭘﮍﻭﺳﯽ ﭼﭽﺎ ﺍﺣﻤﺪ ﮨﻤﯿﺸﮧ ﮐﯽ ﻃﺮﺡ ﺍﭘﻨﯽ ﺑﻨﺪﻭﻕ ﺻﺎﻑ ﮐﺮ ﺭﮨﮯ ﺗﮭﮯ۔ ﺑﻨﺪﻭﻕ ﮐﻮ ﺩﯾﮑﮫ ﮐﺮ ﺍﮐﺜﺮ ﺍﺱ ﮐﺎ ﺩﮐﮫ ﺑﮭﺮﺍ ﻣﺎﺿﯽ ﺍﺱ ﮐﮯ ﺳﺎﻣﻨﮯ ﺁﺟﺎﺗﺎ ﺗﮭﺎ۔ ﺍﺳﮯ ﺑﻨﺪﻭﻕ ﺳﮯ ﺟﺘﻨﯽ ﻧﻔﺮﺕ ﺗﮭﯽ ﺍﺗﻨﯽ ﮨﯽ ﺍﺱ ﻣﯿﮟ ﺩﻟﭽﺴﭙﯽ ﺑﮭﯽ ﺗﮭﯽ۔ ﻭﮦ ﺍﺳﯽ ﺑﻨﺪﻭﻕ ﮐﻮ ﻭﺟﮧ ﺯﺧﻢ ﺍﻭﺭ ﺍﺳﯽ ﮐﻮ ﺍﭘﻨﺎ ﻣﺮﮨﻢ ﺳﻤﺠﮭﺘﯽ ﺗﮭﯽ۔ ﺍﺱ ﻟﯿﮯ ﺍﮐﺜﺮ ﺍﺱ ﮐﺎ ﺩﻝ ﭼﺎﮨﺘﺎ ﺗﮭﺎ ﮐﮧ ﻭﮦ ﺍﺣﻤﺪ ﭼﭽﺎ ﺳﮯ ﺑﻨﺪﻭﻕ ﭼﻼﻧﺎ ﺳﯿﮑﮭﮯ۔ ﻧﺸﺎﻧﮧ ﺑﺎﺯﯼ ﻣﯿﮟ ﺗﻮ ﺍﺳﮯ ﺑﭽﭙﻦ ﺳﮯ ﮨﯽ ﺩﻟﭽﺴﭙﯽ ﺗﮭﯽ۔

ﺁﺝ ﺩﺭﻧﺎﺏ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﺍﺣﻤﺪ ﭼﭽﺎ ﮐﮯ ﮔﮭﺮ ﭼﻠﯽ ﮔﺌﯽ ﺗﺎ ﮐﮧ ﺍﭘﻨﯽ ﺧﻮﺍﮨﺶ ﮐﺎ ﺍﻇﮩﺎﺭ ﮐﺮﮮ۔ ﺍﺣﻤﺪ ﭼﭽﺎ ﮐﺎ ﮔﮭﺮﺍﻧﮧ ﺻﺮﻑ ﺩﻭ ﻟﻮﮔﻮﮞ ﭘﺮ ﻣﺸﺘﻤﻞ ﺗﮭﺎ۔ ﺍﯾﮏ ﺍﺣﻤﺪ ﭼﭽﺎ ﺧﻮﺩ ﺟﻮ ﺳﺎﺭﮮ ﻋﻼﻗﮯ ﻣﯿﮟ ﭼﺎﭼﺎ ﺟﯽ ﮐﮯ ﻧﺎﻡ ﺳﮯ ﻣﺸﮩﻮﺭ ﺗﮭﮯ ﺍﻭﺭ ﺩﻭﺳﺮﯼ ﺍﻥ ﮐﯽ ﺑﯿﭩﯽ ﺟﻮ ﺩﺭﻧﺎﺏ ﺳﮯ ﺩﻭ ﺳﺎﻝ ﭼﮭﻮﭨﯽ ﺗﮭﯽ۔ ﮐﺒﮭﯽ ﯾﮧ ﭼﺎﺭ ﺍﻓﺮﺍﺩ ﭘﮧ ﻣﺸﺘﻤﻞ ﺍﯾﮏ ﺧﻮﺷﺤﺎﻝ ﮔﮭﺮﺍﻧﮧ ﺗﮭﺎ ﺟﺲ ﻣﯿﮟ ﭼﺎﭼﺎ ﺟﯽ ﮐﯽ ﺑﯿﻮﯼ ﺍﻭﺭ ﺍﯾﮏ ﺟﻮﺍﻥ ﺑﯿﭩﺎ ﺑﮭﯽ ﺷﺎﻣﻞ ﺗﮭﮯ۔ ﺍﺱ ﮔﮭﺮﺍﻧﮯ ﮐﮯ ﺩﻭ ﺍﻓﺮﺍﺩ ﮐﻮ ﺩﺷﻤﻦ ﻧﮯ ﺍﺱ ﻟﯿﮯ ﻣﺎﺭ ﮈﺍﻻ ﺗﮭﺎ ﮐﮧ ﺍﺱ ﮔﮭﺮ ﺳﮯ ﺍﻥ ﮐﯽ ﺑﺰﺩﻟﯽ ﮐﻮ ﻟﻠﮑﺎﺭﺍ ﮔﯿﺎ ﺗﮭﺎ۔ ﭼﭽﺎ ﺟﯽ ﮐﻮ ﺑﻨﺪﻭﻕ ﭘﺴﻨﺪ ﺗﻮ ﻧﮧ ﺗﮭﯽ ﻟﯿﮑﻦ ﺍﭘﻨﯽ ﺑﯿﭩﯽ ﺍﻭﺭ ﺍﭘﻨﯽ ﺣﻔﺎﻇﺖ ﮐﮯ ﻟﯿﮯ ﺍﺳﮯ ﮨﻤﯿﺸﮧ ﺗﯿﺎﺭ ﺭﮐﮭﺘﮯ ﺗﮭﮯ۔ ﺍﻭﺭ ﯾﮧ ﺧﯿﺎﻝ ﺑﮭﯽ ﺍﻥ ﮐﮯ ﺫﮨﻦ ﻣﯿﮟ ﺭﮨﺘﺎ ﮐﮯ ﺿﺮﻭﺭﺕ ﭘﮍﻧﮯ ﭘﺮ ﻭﮦ ﺍﺳﮯ ﺍﭘﻨﯽ ﺩﮬﺮﺗﯽ ﮐﯽ ﺣﻔﺎﻇﺖ ﮐﮯ ﻟﯿﮯ ﺑﮭﯽ ﺍﭨﮭﺎ ﺳﮑﺘﮯ ﮨﯿﮟ۔

ﺩﺭﻧﺎﺏ ﮐﮯ ﮔﮭﺮ ﻣﯿﮟ ﺩﺍﺧﻞ ﮨﻮﺗﮯ ﮨﯽ ﭼﭽﺎ ﮐﮯ ﻏﻤﮕﯿﻦ ﺑﻮﮌﮬﮯ ﭼﮩﺮﮮ ﭘﺮ ﻣﺴﮑﺮﺍﮨﭧ ﺍﺑﮭﺮ ﺁﺋﯽ۔ ﺩﺭﻧﺎﺏ ﮐﻮ ﻭﮦ ﺍﭘﻨﯽ ﺑﯿﭩﯽ ﮐﯽ ﻃﺮﺡ ﺳﻤﺠﮭﺘﮯ ﺗﮭﮯ۔

”ﺳﻼﻡ ﭼﺎﭼﺎ ﺟﯽ ! ﮐﯿﺴﮯ ﮨﯿﮟ ﺁﭖ؟” ﺩﺭﻧﺎﺏ ﻧﮯ ﮔﮭﺮ ﻣﯿﮟ ﺩﺍﺧﻞ ﮨﻮﺗﮯ ﮨﻮﺋﮯ ﭘﻮﭼﮭﺎ۔

”ﻭﻋﻠﯿﮑﻢ ﺍﻟﺴﻼﻡ ﺑﯿﭩﯽ! ﺍﻟﻠﮧ ﮐﺎ ﮐﺮﻡ ﮨﮯ۔ ﺗﻢ ﮐﯿﺴﯽ ﮨﻮ؟ ﺍﻭﺭ ﻓﺎﻃﻤﮧ ﺑﮩﻦ ﮐﯿﺴﯽ ﮨﮯ؟” ﭼﭽﺎ ﻧﮯ ﺍﺱ ﮐﯽ ﺍﻭﺭ ﺍﺱ ﮐﯽ ﻭﺍﻟﺪﮦ ﮐﯽ ﺧﯿﺮﯾﺖ ﺩﺭﯾﺎﻓﺖ ﮐﯽ۔

”ﭼﺎﭼﺎ ﺟﯽ ﻣﯿﮟ ﺑﮭﯽ ﭨﮭﯿﮏ ﮨﻮﮞ ﺍﻭﺭ ﻣﺎﮞ ﺟﯽ ﺑﮭﯽ۔ ﯾﮧ ﭘﺮﺍﭨﮭﮯ ﺍﻥ ﮨﯽ ﻧﮯ ﺁﭖ ﮐﮯ ﻟﯿﮯ ﺑﮭﯿﺠﮯ ﮨﯿﮟ۔ ﺁﭖ ﺍﻭﺭ ﻋﺎﺋﺸﮧ ﮐﻮ ﭘﺴﻨﺪ ﮨﯿﮟ ﻧﺎ۔”

ﺩﺭﻧﺎﺏ ﺍﻭﺭ ﺍﺱ ﮐﯽ ﻣﺎﮞ ﺍﮐﺜﺮ ﭼﺎﭼﺎ ﺟﯽ ﺍﻭﺭ ﺍﻥ ﮐﯽ ﺑﯿﭩﯽ ﮐﮯ ﻟﯿﮯ ﮐﮭﺎﻧﮯ ﺑﻨﺎ ﮐﺮ ﻻﺗﮯ ﺭﮨﺘﮯ ﺗﮭﮯ۔

”ﮐﯿﻮﮞ ﻧﮩﯿﮟ ﺑﯿﭩﯽ ﺑﮩﺖ ﭘﺴﻨﺪ ﮨﯿﮟ ﻣﺠﮭﮯ ۔ ﻣﯿﺮﯼ ﻃﺮﻑ ﺳﮯ ﻓﺎﻃﻤﮧ ﺑﮩﻦ ﮐﺎ ﺷﮑﺮﯾﮧ ﺍﺩﺍ ﮐﺮﻧﺎ۔ ﺑﮭﻠﯽ ﻋﻮﺭﺕ ﮨﮯ ﻣﺤﻠﮯ ﮐﮯ ﮨﺮ ﮔﮭﺮ ﮐﺎ ﺧﯿﺎﻝ ﺭﮨﺘﺎ ﮨﮯ ﺍﺳﮯ۔ ﺍﭘﻨﮯ ﺩﮐﮫ ﺩﺭﺩ ﺑﮭﻮﻝ ﮐﺮ ﺩﻭﺳﺮﻭﮞ ﮐﯽ ﻏﻤﯽ ﺧﻮﺷﯽ ﻣﯿﮟ ﺷﺮﯾﮏ ﺭﮨﺘﯽ ﮨﮯ۔ ﻋﺎﺋﺸﮧ ﭘﺘﺮ ﺁ ﻧﺎﺷﺘﮧ ﮐﺮ ﻟﮯ ﺗﯿﺮﯼ ﭼﭽﯽ ﻧﮯ ﭘﺮﺍﭨﮭﮯ ﺑﮭﯿﺠﮯ ﮨﯿﮟ۔” ﭼﺎﭼﺎ ﺟﯽ ﻧﮯ ﺑﯿﭩﯽ ﮐﻮ ﺁﻭﺍﺯ ﺩﯼ۔

ﻧﺎﺷﺘﮧ ﮐﺮﺗﮯ ﻭﻗﺖ ﺑﮭﯽ ﻭﮦ ﺩﺭﻧﺎﺏ ﺍﻭﺭ ﺍﺱ ﮐﯽ ﻣﺎﮞ ﮐﯽ ﺗﻌﺮﯾﻒ ﮐﺮﺗﮯ ﺭﮨﮯ۔

”ﭼﺎﭼﺎ ﺟﯽ ﻣﺠﮭﮯ ﺁﭖ ﺳﮯ ﺍﯾﮏ ﮐﺎﻡ ﺗﮭﺎ۔ ﺑﮩﺖ ﺩﻧﻮﮞ ﺳﮯ ﺳﻮﭺ ﺭﮨﯽ ﺗﮭﯽ ﮐﮧ ﺁﭖ ﮐﻮ ﺑﺘﺎﺅﮞ ﻟﯿﮑﻦ ﮐﻮﺋﯽ ﻓﯿﺼﻠﮧ ﻧﮩﯿﮟ ﮐﺮ ﭘﺎ ﺭﮨﯽ ﺗﮭﯽ۔” ﺩﺭﻧﺎﺏ ﻧﮯ ﻧﺎﺷﺘﮯ ﮐﮯ ﺑﻌﺪ ﭼﺎﭼﺎ ﺟﯽ ﺳﮯ ﮐﮩﺎ

”ﺑﻮﻝ ﺑﯿﭩﯽ ﮐﯿﺎ ﮐﺎﻡ ﮨﮯ؟ ﺗﻮ ﻣﯿﺮﯼ ﺍﭘﻨﯽ ﺑﭽﯽ ﮨﮯ۔ ﺑﻐﯿﺮ ﮐﺴﯽ ﮨﭽﮑﭽﺎﮨﭧ ﮐﮯ ﮐﻮﺋﯽ ﮐﺎﻡ ﺑﮭﯽ ﮨﻮ ﺗﻮ ﺑﻮﻝ ﺩﯾﺎ ﮐﺮ۔۔۔۔۔۔۔” ﭼﺎﭼﺎﺟﯽ ﻧﮯ ﺷﻔﻘﺖ ﺳﮯ ﮐﮩﺎ

”ﺑﮩﺖ ﺷﮑﺮﯾﮧ ﭼﺎﭼﺎ ﺟﯽ ﻟﯿﮑﻦ ﯾﮧ ﮐﺎﻡ ﺗﮭﻮﮌﺍ ﻋﺠﯿﺐ ﺳﺎ ﮨﮯ۔” ﺩﺭﻧﺎﺏ ﺍﺑﮭﯽ ﺑﮭﯽ ﺗﺮﺩﺩ ﮐﺎ ﺷﮑﺎﺭ ﺗﮭﯽ۔ ”ﺁﭖ ﮐﻮ ﺗﻮ ﭘﺘﺎ ﮨﮯ ﻣﯿﺮﮮ ﺑﺎﺑﺎ ﺍﻭﺭ ﺩﻭ ﺑﮭﺎﺋﯿﻮﮞ ﮐﻮ ﭘﺎﻧﭻ ﺳﺎﻝ ﻗﺒﻞ ﺩﺷﻤﻦ ﮐﯽ ﻓﻮﺝ ﻧﮯ ﻣﺎﺭ ﮈﺍﻻ ﺗﮭﺎ۔ ﺍﻭﺭ ﺁﭖ ﮐﮯ ﺑﯿﻮﯼ ﺍﻭﺭ ﺑﯿﭩﮯ ﮐﻮ ﺑﮭﯽ۔ ﺍﺱ ﮐﮯ ﻋﻼﻭﮦ ﺍﺱ ﻋﻼﻗﮯ ﮐﮯ ﮐﺘﻨﮯ ﮔﮭﺮ ﺍﯾﺴﮯ ﮨﯿﮟ ﺟﻦ ﮐﮯ ﮐﺌﯽ ﺍﻓﺮﺍﺩ ﺩﺷﻤﻦ ﮐﮯ ﮨﺎﺗﮭﻮﮞ ﻣﺮ ﭼﮑﮯ ﮨﯿﮟ۔ ﮐﺘﻨﮯ ﺑﭽﮯ ﺟﻮ ﭘﮭﻮﻟﻮﮞ ﮐﯽ ﻃﺮﺡ ﺧﻮﺑﺼﻮﺭﺕ ﺗﮭﮯ ﺟﻮ ﺍﺑﮭﯽ ﻣﮑﻤﻞ ﮐﮭﻠﮯ ﺑﮭﯽ ﻧﮩﯿﮟ ﺗﮭﮯ ﮐﮧ ﺩﺷﻤﻦ ﻧﮯ ﻧﮯ ﺍﻧﮩﯿﮟ ﺑﺮﺑﺎﺩ ﮐﺮ ﮈﺍﻻ۔ ﮐﺘﻨﮯ ﭼﻠﺘﮯ ﭘﮭﺮﺗﮯ ﻟﻮﮔﻮﮞ ﮐﻮ ﻣﻌﺬﻭﺭ ﮐﺮ ﺩﯾﺎ۔ ﮐﺲ ﺟﺮﻡ ﻣﯿﮟ ﭼﭽﺎ ﺟﯽ ﺁﺧﺮ ﮐﺲ ﺟﺮﻡ ﻣﯿﮟ؟ ﮨﻢ ﺗﻮ ﺍﻣﻦ ﭘﺴﻨﺪ ﻟﻮﮒ ﮨﯿﮟ۔ ﮨﻢ ﻧﮯ ﺗﻮ ﺻﺮﻑ ﺍﻥ ﮐﮯ ﻇﻠﻢ ﮐﮯ ﺧﻼﻑ ﺁﻭﺍﺯ ﺍﭨﮭﺎﺋﯽ ﺗﮭﯽ۔ ﺑﺲ ﯾﮩﯽ ﺟﺮﻡ ﺗﮭﺎ ﮨﻤﺎﺭﺍ۔” ﺩﺭﻧﺎﺏ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺁﭼﮑﮯ ﺗﮭﮯ۔ ﺑﺮﺳﻮﮞ ﮐﺎ ﻏﻢ ﺗﮭﺎ ﺟﻮ ﺍﺳﮯ ﺍﻧﺪﺭ ﮨﯽ ﺍﻧﺪﺭ ﺍﻧﺘﻘﺎﻡ ﭘﺮ ﺍﺑﮭﺎﺭ ﺭﮨﺎ ﺗﮭﺎ۔

”ﻟﯿﮑﻦ ﻣﯿﮟ ﻧﮯ ﭘﺨﺘﮧ ﺍﺭﺍﺩﮦ ﮐﺮ ﻟﯿﺎ ﮨﮯ۔ ﻣﯿﮟ ﺩﺷﻤﻦ ﺳﮯ ﺑﺪﻟﮧ ﺿﺮﻭﺭ ﻟﻮﮞ ﮔﯽ۔ﺍﭘﻨﮯ ﺑﺎﺑﺎ ﮐﮯ ﺧﻮﻥ ﮐﺎ، ﺍﭘﻨﮯ ﺑﮭﺎﺋﯿﻮﮞ ﮐﺎ، ﺍﭘﻨﮯ ﻣﻠﮏ ﮐﮯ ﮨﺮ ﺷﺨﺺ ﮐﺎ۔ ﻣﯿﮟ ﺍﭘﻨﯽ ﺩﮬﺮﺗﯽ ﮐﯽ ﺣﻔﺎﻇﺖ ﮐﺮﻭﮞ ﮔﯽ۔ ﺍﻥ ﺑﻨﺪﻭﻕ ﺍﭨﮭﺎﻧﮯ ﻭﺍﻟﮯ ﺑﺰﺩﻟﻮﮞ ﺳﮯ ﺑﻨﺪﻭﻕ ﺳﮯ ﮨﯽ ﺑﺪﻟﮧ ﻟﯿﺎ ﺟﺎ ﺳﮑﺘﺎ ﮨﮯ۔”  ﺩﺭﻧﺎﺏ ﻓﺮﻁ ﺟﺬﺑﺎﺕ ﻣﯿﮟ ﺑﻮﻟﮯ ﭼﻠﯽ ﺟﺎ ﺭﮨﯽ ﺗﮭﯽ۔

ﺍﺣﻤﺪ ﭼﭽﺎ ﮐﻮ ﺍﺱ ﮐﮯ ﺍﺭﺍﺩﻭﮞ ﮐﺎ ﻋﻠﻢ ﮨﻮ ﭼﮑﺎ ﺗﮭﺎ ﺍﺱ ﻟﯿﮯ ﺑﻮﻟﮯ “ﺑﯿﭩﺎ ﺗﻢ ﺍﺑﮭﯽ ﭘﮍﮪ ﺭﮨﯽ ﮨﻮ ﺍﻧﮩﯿﮟ ﺗﻌﻠﯿﻢ ﻣﯿﮟ ﺷﮑﺴﺖ ﺩﻭ۔ ﺑﻨﺪﻭﻕ ﻭﺍﻻ ﮐﺎﻡ ﺑﮩﺖ ﻣﺸﮑﻞ ﮨﮯ ﺍﻭﺭ ﮨﻢ ﮨﯿﮟ ﻧﺎ ﺗﻤﮩﺎﺭﯼ ﺣﻔﺎﻇﺖ ﮐﮯ ﻟﯿﮯ۔”

”ﻧﮩﯿﮟ ﭼﭽﺎ ﺟﯽ ﺍﻥ ﻟﻮﮔﻮﮞ ﮐﻮ ﺑﻨﺪﻭﻕ ﮐﮯ ﺯﻭﺭ ﭘﺮ ﮨﯽ ﺑﮭﮕﺎﯾﺎ ﺟﺎ ﺳﮑﺘﺎ ﮨﮯ۔ ﻏﻼﻡ ﺭﮦ ﮐﺮ ﺗﻌﻠﯿﻢ ﮐﺎ ﮐﻮﺋﯽ ﻓﺎﺋﺪﮦ ﻧﮩﯿﮟ۔ ﺗﻌﻠﯿﻢ ﺗﻮ ﮨﻤﯿﮟ ﺷﻌﻮﺭ ﺩﯾﺘﯽ ﮨﮯ ﮐﮧ ﮨﻢ ﺁﺯﺍﺩ ﮨﯿﮟ ﮨﻤﯿﮟ ﺁﺯﺍﺩ ﺭﮨﻨﮯ ﮐﺎ ﭘﻮﺭﺍ ﺣﻖ ﺣﺎﺻﻞ ﮨﮯ۔ ﮐﻮﺋﯽ ﻇﻠﻢ ﮐﺮﮮ ﺗﻮ ﮨﻤﯿﮟ ﺍﭘﻨﮯ ﺩﻓﺎﻉ ﮐﺎ ﭘﻮﺭﺍ ﺣﻖ ﺣﺎﺻﻞ ﮨﮯ۔ ﻣﯿﮟ ﺑﻨﺪﻭﻕ ﺍﭨﮭﺎﻧﮯ ﻭﺍﻟﻮﮞ ﮐﻮ ﺑﺰﺩﻝ ﺳﻤﺠﮭﺘﯽ ﮨﻮﮞ ﻣﮕﺮ ﮨﻤﯿﮟ ﺑﮭﯽ ﺍﭘﻨﮯ ﺩﻓﺎﻉ ﺍﻭﺭ ﺍﺱ ﺩﮬﺮﺗﯽ ﮐﯽ ﺣﻔﺎﻇﺖ ﮐﮯ ﻟﯿﮯ ﺑﻨﺪﻭﻕ ﺍﭨﮭﺎنا ﭘﮍﮮ ﮔﯽ۔ ﺁﭖ ﻣﺠﮭﮯ ﺑﻨﺪﻭﻕ ﭼﻼﻧﺎ ﺳﮑﮭﺎﺋﯿﮟ ﮔﮯ ﻧﺎ۔ ﺩﺭﻧﺎﺏ ﺍﭘﻨﯽ ﺿﺪ ﭘﺮ ﺍﮌ ﭼﮑﯽ ﺗﮭﯽ۔

“ﺍﭼﮭﺎ ﺑﯿﭩﺎ ﻣﯿﮟ ﺳﮑﮭﺎ ﺩﻭﮞ ﮔﺎ ﯾﮧ ﺑﮩﺖ ﻣﺸﮑﻞ ﮐﺎﻡ ﮨﮯ ﻭﯾﺴﮯ ۔۔۔۔” ﭼﭽﺎ ﻧﮯ ﮨﺎﺭ ﻣﺎﻧﺘﮯ ﮨﻮﺋﮯ ﮐﮩﺎ۔

”ﮐﻮﺋﯽ ﺑﺎﺕ ﻧﮩﯿﮟ ﭼﭽﺎ ﺟﺎﻥ ﻣﯿﮟ ﺳﯿﮑﮫ ﻟﻮﮞ ﮔﯽ ﻧﺸﺎﻧﮧ ﺑﺎﺯﯼ ﮐﺎ ﻣﺠﮭﮯ ﺑﭽﭙﻦ ﺳﮯ ﺷﻮﻕ ﮨﮯ۔”

“ﭨﮭﯿﮏ ﮨﮯ ﭘﮭﺮ ﻣﯿﮟ ﺁﭖ ﮐﻮ ﺑﮩﺖ ﺟﻠﺪ ﻣﺎﮨﺮ ﻧﺸﺎﻧﮧ ﺑﺎﺯ ﺑﻨﺎ ﺩﻭﮞ ﮔﺎ۔” ﭼﭽﺎ ﻧﮯ ﻣﺴﮑﺮﺍﺗﮯ ﮨﻮﺋﮯ کہا

                  ***********

”ﻣﺎﮞ ﻣﯿﮟ ﻧﮯ ﮐﺐ ﮐﮩﺎ ﻣﯿﮟ ﺑﻨﺪﻭﻕ ﻟﮯ ﮐﺮ ﺩﺷﻤﻦ ﮐﯽ ﺗﻼﺵ ﻣﯿﮟ ﻧﮑﻞ ﭘﮍﻭﮞ ﮔﯽ۔ ﻣﯿﮟ ﺗﻮ ﺍﺳﮯ ﺻﺮﻑ ﺿﺮﻭﺭﺕ ﮐﮯ ﻭﻗﺖ ﺍﺳﺘﻌﻤﺎﻝ ﮐﺮﻭﮞ ﮔﯽ۔ ﺍﭘﻨﯽ ﻗﻮﻡ ﺍﭘﻨﯽ ﺯﻣﯿﻦ ﮐﯽ ﺩﻓﺎﻉ ﮐﮯ ﻟﯿﮯ۔ ﻣﺎﮞ ﻣﺠﮭﮯ ﻣﺖ ﺭﻭﮐﻮ ﻣﯿﮟ ﺑﮩﺎﺩﺭ ﻣﺎﮞ ﺑﺎﭖ ﮐﯽ ﺑﯿﭩﯽ ﮨﻮﮞ، ﺍﺱ ﻋﻈﯿﻢ ﺩﮬﺮﺗﯽ ﮐﯽ ﺑﯿﭩﯽ ﮨﻮﮞ۔ ﻣﺠﮭﮯ ﺑﺪﻟﮧ ﻟﯿﻨﺎ ﮨﮯ۔ ﺧﻮﻥ ﮐﺎ ﺑﺪﻟﮧ ۔۔۔۔۔۔۔۔۔۔۔”

ﺩﺭﻧﺎﺏ ﻣﺴﻠﺴﻞ ﺍﭘﻨﯽ ﻣﺎﮞ ﮐﻮ ﻗﺎﺋﻞ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔ ﺩﺭﻧﺎﺏ ﮐﯽ ﻣﺎﮞ ﺍﮔﺮﭼﮧ ﺑﮩﺎﺩﺭ ﺧﺎﺗﻮﻥ ﺗﮭﯽ ﻣﮕﺮ ﺍﺱ ﮐﯽ ﺍﯾﮏ ﮨﯽ بیٹی ﺗﮭﯽ ﺟﻮ ﺍﺱ ﮐﯽ ﮐﻞ ﮐﺎﺋﻨﺎﺕ ﺗﮭﯽ۔ ﻭﮦ ﻧﮩﯿﮟ ﭼﺎﮨﺘﯽ ﺗﮭﯽ ﮐﮧ ﺩﺷﻤﻦ ﺍﺱ ﺳﮯ ﺁﺧﺮﯼ ﺍﻣﯿﺪ ﺑﮭﯽ ﭼﮭﯿﻦ ﻟﮯ۔ ﻭﮦ ﮐﺴﯽ ﺑﮭﯽ ﻃﺮﺡ ﻣﺎﻧﻨﮯ ﮐﻮ ﺗﯿﺎﺭ ﻧﮧ ﺗﮭﯽ۔

“ﺑﯿﭩﺎ ﺗﻢ ﺩﺷﻤﻦ ﮐﻮ ﻧﮩﯿﮟ ﺟﺎﻧﺘﯽ۔ ﺍﻧﮩﯿﮟ ﺗﻮ ﺩﻧﯿﺎ ﺑﮭﺮ ﻣﯿﮟ ﺳﻔﺎﮎ ﮐﮩﺎ ﺟﺎﺗﺎ ﮨﮯ ﻣﮕﺮ ﭘﮭﺮ ﺑﮭﯽ ﺍﻥ ﮐﮯ ﻣﻈﺎﻟﻢ ﭘﺮ ﺧﺎﻣﻮﺷﯽ ﺍﺧﺘﯿﺎﺭ ﮐﯽ ﺟﺎﺗﯽ ﮨﮯ۔ ﻭﮦ ﮐﺴﯽ ﺑﮭﯽ ﺣﺪ ﺗﮏ ﺟﺎ ﺳﮑﺘﮯ ﮨﯿﮟ۔ ﺻﺒﺮ ﮐﺮ ﻣﯿﺮﯼ ﺑﭽﯽ ﺧﺪﺍ ﺍﻥ ﺳﮯ ﺧﻮﺩ ﺑﺪﻟﮧ ﻟﮯ ﮔﺎ۔ ﺿﺮﻭﺭ ﺑﺪﻻ ﻟﮯ ﮔﺎ ۔۔۔۔۔۔۔۔۔۔” ﻓﺎﻃﻤﮧ ﺍﺳﮯ ﺳﻤﺠﮭﺎﺗﮯ ﮨﻮﺋﮯ ﺑﻮﻟﯽ۔

“ﻧﮧ ﻣﺎﮞ ﺍﻥ ﮐﮯ ﻣﻈﺎﻟﻢ ﭘﺮ ﺻﺒﺮ ﮐﺮﻧﺎ ﺟﺮﻡ ﮨﮯ۔ ﻣﺎﮞ ﻣﯿﮟ ﻟﮍﮐﯽ ﺳﮩﯽ ﻣﮕﺮ ﺟﺐ ﺩﺷﻤﻦ ﺳﮯ ﻟﮍﻭﮞ ﮔﯽ ﺗﻮ ﺩﻧﯿﺎ ﮐﻮ ﺑﮭﯽ ﺍﺣﺴﺎﺱ ﮨﻮ ﮔﺎ ﮐﮧ ﺍﯾﮏ ﻟﮍﮐﯽ ﺩﺷﻤﻦ ﺳﮯ ﻟﮍ ﺭﮨﯽ ﮨﮯ ﺍﭘﻨﮯ ﺣﻖ ﮐﮯ ﻟﯿﮯ ﺗﻮ ﻭﮦ ﺑﮭﯽ ﮨﻤﺎﺭﺍ ﺳﺎﺗﮫ ﺩﯾﮟ ﮔﮯ۔ ﻭﺍﺩﯼ ﮐﯽ ﮨﺮ ﻟﮍﮐﯽ ﻣﯿﺮﺍ ﺳﺎﺗﮫ ﺩﮮ ﮔﯽ۔ ﻣﺠﮭﮯ ﺍﭘﻨﮯ ﺣﺼﮯ ﮐﺎ ﮐﺮﺩﺍﺭ ﺍﺩﺍ ﮐﺮﻧﺎ ﮨﮯ۔ ﺩﻧﯿﺎ ﮐﻮ ﯾﮧ ﺑﺘﺎﻧﺎ ﮨﮯ ﮐﮧ ﺩﺷﻤﻦ ﮨﻤﺎﺭﮮ ﺳﺎﺗﮫ ﮐﯿﺎ ﺳﻠﻮﮎ ﮐﺮ ﺭﮨﺎ ﮨﮯ۔۔۔۔۔۔۔۔۔”

ﺩﺭﻧﺎﺏ ﺑﻮﻟﺘﯽ ﭼﻠﮯ ﺟﺎ ﺭﮨﯽ ﺗﮭﯽ ﺁﺧﺮ ﺍﺱ ﮐﯽ ﺿﺪ ﮐﮯ ﺁﮔﮯ ﺍﺱ ﮐﯽ ﻣﺎﮞ ﮐﻮ ﺑﮭﯽ ﮨﺘﮭﯿﺎﺭ ﮈﺍﻟﻨﮯ ﭘﮍﮮ ﺍﻭﺭ ﺍﺳﮯ ﺑﻨﺪﻭﻕ ﭼﻼﻧﺎ ﺳﯿﮑﮭﻨﮯ ﮐﯽ ﺍﺟﺎﺯﺕ ﻣﻞ ﮔﺌﯽ۔

                     ************

ﺳﻮﺭﺝ ﺍﭘﻨﺎ ﮐﺎﻡ ﻧﻤﭩﺎ ﮐﺮ ﻭﺍﭘﺲ ﻟﻮﭦ ﺭﮨﺎ ﺗﮭﺎ۔ ﺑﻠﻨﺪ ﭘﮩﺎﮌﻭﮞ ﮐﯽ ﺍﻭﭦ ﻣﯿﮟ ﭼﮭﭙﺘﺎ ﺳﻮﺭﺝ ﺟﺎﺗﮯ ﺟﺎﺗﮯ ﺑﮭﯽ ﻭﺍﺩﯼ ﭘﺮ ﭼﻨﺪ ﺣﺴﯿﻦ ﮐﺮﻧﯿﮟ ﻟﭩﺎ ﺭﮨﺎ ﺗﮭﺎ۔ ﺁﺳﻤﺎﻥ ﭘﺮ ﻣﻮﺟﻮﺩ ﺳﻔﯿﺪ ﺑﺎﺩﻝ ﺳﻮﺭﺝ ﮐﯽ ﺁﺧﺮﯼ ﮐﺮﻧﯿﮟ ﭘﮍﺗﮯ ﮨﯽ ﮔﻼﺑﯽ ﺭﻧﮓ ﮐﮯ ﮨﻮ ﭼﮑﮯ ﺗﮭﮯ۔ ﺍﻭﺭ ﺍﻥ ﮐﺎ ﻋﮑﺲ ﻭﺍﺩﯼ ﮐﮯ ﻧﺪﯼ ﻧﺎﻟﻮﮞ ﻣﯿﮟ ﯾﻮﮞ ﺩﮐﮭﺎﺗﯽ ﺩﮮ ﺭﮨﺎ ﺗﮭﺎ ﺟﯿﺴﮯ ﮐﺴﯽ ﺷﻔﺎﻑ ﺁﺋﯿﻨﮯ ﻣﯿﮟ ﺣﺴﯿﻦ ﭼﮩﺮﮦ ﺩﮐﮭﺎﺋﯽ ﺩﯾﺘﺎ ﮨﻮ۔ ﺍﺱ ﻭﻗﺖ ﺳﺎﺭﯼ ﻭﺍﺩﯼ ﭘﺮ ﺳﮑﻮﺕ ﻃﺎﺭﯼ ﺗﮭﺎ۔ ﮨﺮ ﻭﻗﺖ ﺷﻮﺭ ﻣﭽﺎﺗﮯ ﭘﺮﻧﺪﮮ ﺑﮭﯽ ﺧﺎﻣﻮﺷﯽ ﺳﮯ ﺩﺭﺧﺘﻮﮞ ﮐﯽ ﭨﮩﻨﯿﻮﮞ ﭘﺮ ﺑﯿﭩﮭﮯ ﮨﺮ ﭼﯿﺰ ﮐﻮ ﻣﺒﮩﻮﺕ ﺩﯾﮑﮫ ﺭﮨﮯ ﺗﮭﮯ۔ ﮔﻼﺑﯽ ﺭﻧﮓ ﺁﺳﻤﺎﻥ ﭘﺮ ﯾﻮﮞ ﺩﮐﮭﺎﺋﯽ ﺩﮮ ﺭﮨﺎ ﺗﮭﺎ ﺟﯿﺴﮯ ﻣﻈﻠﻮﻡ ﺷﮩﯿﺪﻭﮞ ﮐﺎ ﻟﮩﻮ، ﺍﻥ ﮐﺎ ﻏﻢ ﺁﺳﻤﺎﻥ ﭘﺮ ﭘﮭﯿﻞ ﭼﮑﺎ ﮨﻮ۔

ﺩﺭﻧﺎﺏ ﺍﺣﻤﺪ ﭼﭽﺎ ﮐﮯ ﺳﺎﺗﮫ ﺻﺤﻦ ﻣﯿﮟ ﺑﻨﺪﻭﻕ ﭼﻼﻧﮯ ﮐﯽ “ﭘﺮﯾﮑﭩﺲ” ﮐﺮ ﺭﮨﯽ ﺗﮭﯽ۔ ﺍﺣﻤﺪ ﭼﭽﺎ ﮐﺴﯽ ﻣﺎﮨﺮ ﺍﺳﺘﺎﺩ ﮐﯽ ﻃﺮﺡ ﺍﺳﮯ ﻣﺴﻠﺴﻞ ﮨﺪﺍﯾﺎﺕ ﺩﮮ ﺭﮨﮯ ﺗﮭﮯ۔ ﺍﺣﻤﺪ ﭼﭽﺎ ﮐﻮ ﺍﺱ ﻓﻦ ﻣﯿﮟ ﻣﮩﺎﺭﺕ ﺣﺎﺻﻞ ﺗﮭﯽ۔ ﻧﻮﺟﻮﺍﻧﯽ ﻣﯿﮟ ﻭﮦ ﺩﺷﻤﻦ ﮐﮯ ﻟﯿﮯ ﺩﮨﺸﺖ ﮐﺎ ﺑﺎﻋﺚ ﺗﮭﮯ۔

”ﺍﺳﮯ ﻣﻀﺒﻮﻃﯽ ﺳﮯ ﺗﮭﺎﻣﻮ۔۔۔۔۔ ﺍﭘﻨﮯ ﮐﺎﻧﺪﮬﮯ ﭘﺮ ﺭﮐﮭﻮ ﺍﻭﺭ ﺍﯾﮏ ﺁﻧﮑﮫ ﺑﻨﺪ ﮐﺮ ﮐﮯ ﺍﭘﻨﮯ ﻧﺸﺎﻧﮯ ﮐﻮ ﻏﻮﺭ ﺍﻭﺭ ﺗﻮﺟﮧ ﺳﮯ ﺩﯾﮑﮭﻮ۔ ﺍﭘﻨﯽ ﻧﻈﺮ ﺍﻭﺭ ﺑﻨﺪﻭﻕ ﮐﻮ ﻧﺸﺎﻧﮯ ﮐﯽ ﺳﯿﺪﮪ ﻣﯿﮟ ﺭﮐﮭﻮ۔ ﮐﯿﺎ ﺗﻤﮩﯿﮟ ﻟﮕﺘﺎ ﮨﮯ ﮐﮧ ﺗﻤﮩﺎﺭﺍ ﻧﺸﺎﻧﮧ ﺧﻄﺎ ﻧﮩﯿﮟ ﮨﻮ ﮔﺎ۔۔۔۔” ﭼﭽﺎ ﻧﮯ ﮨﺪﺍﯾﺖ ﺩﯾﺘﮯ ﮨﻮﺋﮯ ﭘﻮﭼﮭﺎ

“ﮨﺎﮞ ﭼﭽﺎ ﺟﯽ ﻣﺠﮭﮯ ﺍﻣﯿﺪ ﮨﮯ۔” ﺩﺭﻧﺎﺏ ﻧﮯ ﺑﺘﺎﯾﺎ۔

ﺻﺤﻦ ﮐﮯ ﻗﺪﺁﻭﺭ ﺩﺭﺧﺘﻮﮞ ﭘﺮ ﺑﯿﭩﮭﮯ ﭘﺮﻧﺪﮮ ﻣﺴﻠﺴﻞ ﺩﺭﻧﺎﺏ ﺍﻭﺭ ﺍﺱ ﮐﮯ ﮨﺎﺗﮫ ﻣﯿﮟ ﻣﻮﺟﻮﺩ ﺧﻄﺮﻧﺎﮎ ﮨﺘﮭﯿﺎﺭ ﮐﻮ ﺗﮑﮯ ﺟﺎ ﺭﮨﮯ ﺗﮭﮯ۔ ﯾﮧ ﮨﺘﮭﯿﺎﺭ ﺍﻥ ﮐﮯ ﻟﯿﮯ ﮐﭽﮫ ﻧﯿﺎ ﻧﮩﯿﮟ ﺗﮭﺎ۔ ﻭﮦ ﺍﺳﮯ ﺭﻭﺯ ﺍﺳﮯ ﻭﺍﺩﯼ ﮐﮯ ﺍﻣﻦ ﺩﺷﻤﻨﻮﮞ ﮐﮯ ﮨﺎﺗﮫ ﻣﯿﮟ ﺩﯾﮑﮭﺘﮯ ﺭﮨﮯ ﮨﯿﮟ ﺍﻭﺭ ﺁﺝ ﺍﺳﮯ ﭘﺮﺍﻣﻦ ﺑﺎﺯﻭ ﺑﮭﯽ ﺗﮭﺎﻣﻨﮯ ﭘﺮ ﻣﺠﺒﻮﺭ ﺗﮭﮯ۔ ﭘﺮﻧﺪﮮ ﺣﯿﺮﺍﻥ ﻭ ﭘﺮﯾﺸﺎﻥ ﺍﭘﻨﯽ ﭘﺮﺍﻣﻦ ﺩﻭﺳﺖ ﮐﻮ ﺩﯾﮑﮭﮯ ﺟﺎ ﺭﮨﮯ ﺗﮭﮯ۔

“ﺷﺎﺑﺎﺵ ﻧﺸﺎﻧﮯ ﭘﺮ ﭘﻮﺭﯼ ﺗﻮﺟﮧ ﮐﺮﺗﮯ ﮨﻮﺋﮯ ﭨﺮﯾﮕﺮ ﮐﻮ ﭘﻮﺭﯼ ﻗﻮﺕ ﺳﮯ ﭘﯿﭽﮭﮯ ﮐﯽ ﻃﺮﻑ ﮐﮭﯿﻨﭽﻮ ۔۔۔۔۔۔” ﭼﭽﺎ ﺍﺣﻤﺪ ﻧﮯ ﻣﺰﯾﺪ ﮨﺪﺍﯾﺎﺕ ﺩﯾﮟ۔

“ﺟﯽ ﺍﭼﮭﺎ۔”  ﭨﺮﯾﮕﺮ ﮐﻮ ﭼﻼﺗﮯ ﮨﻮﺋﮯ ﺍﺱ ﭘﺮ ﻋﺠﯿﺐ ﺧﻮﻑ ﻃﺎﺭﯼ ﺗﮭﺎ۔ ﮨﺎﺗﮫ ﮐﺎﻧﭙﻨﮯ ﻟﮕﮯ۔ ﺁﺧﺮ ﭘﻮﺭﯼ ﻗﻮﺕ ﺳﮯ ﺍﺱ ﻧﮯ ﺑﻨﺪﻭﻕ ﭼﻼ ﺩﯼ۔ ﺩﮬﻤﺎﮐﮯ ﮐﯽ ﺁﻭﺍﺯ ﭘﺮ ﭘﺮﻧﺪﻭﮞ ﮐﯽ ﺩﺭﺩ ﻧﺎﮎ ﭼﯿﺦ ﻧﮯ ﺩﺭﻧﺎﺏ ﭘﺮ ﺩﮨﺸﺖ ﻃﺎﺭﯼ ﮐﺮ ﺩﯼ۔ ﺑﻨﺪﻭﻕ ﺍﺱ ﮐﮯ ﮨﺎﺗﮫ ﺳﮯ ﮔﺮ ﮔﺌﯽ ﺍﻭﺭ ﺁﻧﮑﮭﻮﮞ ﺳﮯ ﺁﻧﺴﻮ ﺟﺎﺭﯼ ﮨﻮ ﮔﮯ۔ ﺍﺳﮯ ﺧﻮﺩ ﮐﻮ ﺳﻨﺒﮭﺎﻟﻨﺎ ﻣﺸﮑﻞ ﮨﻮ ﮔﯿﺎ۔ ﻭﮦ ﺯﻣﯿﻦ ﭘﺮ ﺑﯿﭩﮫ ﮐﺮ ﻓﻀﺎ ﮐﻮ ﺗﮑﻨﮯ ﻟﮕﯽ ﺟﮩﺎﮞ ﭘﺮﻧﺪﻭﮞ ﮐﺎ ﺷﻮﺭ ﻣﺰﯾﺪ ﺑﮍﮪ ﭼﮑﺎ ﺗﮭﺎ۔ ﻣﮕﺮ ﮐﭽﮫ ﮨﯽ ﺩﯾﺮ ﻣﯿﮟ ﭘﺮﻧﺪﮮ ﺍﯾﮏ ﺍﯾﮏ ﮐﺮ ﮐﮯ ﻭﮨﺎﮞ ﺳﮯ ﺭﺧﺼﺖ ﮨﻮ ﮔﺌﮯ۔ ﺩﺭﻧﺎﺏ ﻣﺒﮩﻮﺕ ﺳﯽ ﺍﻥ ﺩﺭﺧﺘﻮﮞ ﮐﻮ ﺩﯾﮑﮭﮯ ﺟﺎﺭﮨﯽ ﺗﮭﯽ ﺟﮩﺎﮞ ﮐﭽﮫ ﺩﯾﺮ ﭘﮩﻠﮯ ﭘﺮﻧﺪﮮ ﻣﺤﺒﺖ ﺑﮭﺮﯼ ﻧﮕﺎﮨﻮﮞ ﺳﮯ ﺍﺳﮯ ﺩﯾﮑﮫ ﺭﮨﮯ ﺗﮭﮯ ﮨﺮ ﺩﻥ ﮐﯽ ﻃﺮﺡ۔ ﺩﺭﻧﺎﺏ ﮐﮯ ﺩﮐﮫ ﺩﺭﺩ ﮐﮯ ﺳﺎﺗﮭﯽ ﺍﺱ ﮐﮯ ﻏﻤﮕﯿﻦ ﭼﮩﺮﮮ ﭘﺮ ﻣﺴﮑﺮﺍﮨﭧ ﻻﻧﮯ ﻭﺍﻟﮯ ﭘﺮﻧﺪﮮ ﺍﺏ ﻭﺍﭘﺲ ﻟﻮﭨﺘﮯ ﮨﻮﺋﮯ ﺧﻮﻓﺰﺩﮦ ﺗﮭﮯ۔

ﭼﭽﺎ ﺩﺭﻧﺎﺏ ﮐﻮ ﺣﻮﺻﻠﮧ ﺩﯾﺘﮯ ﮨﻮﺋﮯ ﮐﮩﻨﮯ ﻟﮕﮯ ”ﺑﯿﭩﺎ ﺗﻢ ﺍﮎ ﺑﮩﺎﺩﺭ ﻗﻮﻡ ﮐﯽ ﺑﯿﭩﯽ ﮨﻮ۔ ﺟﺲ ﻗﻮﻡ ﮐﯽ ﻣﺎﺋﯿﮟ ﺧﻮﺩ ﺍﭘﻨﮯ ﻟﺨﺖ ﺟﮕﺮ ﺍﺱ ﺩﮬﺮﺗﯽ ﭘﺮ ﻗﺮﺑﺎﻥ ﮐﺮﻧﮯ ﮐﮯ ﻟﯿﮯ ﺑﮭﯿﺠﺘﯽ ﮨﯿﮟ، ﺑﮩﻨﯿﮟ ﺑﮭﺎﺋﯿﻮﮞ ﮐﯽ ﺷﮩﺎﺩﺗﻮﮞ ﭘﺮ ﻓﺨﺮ ﮐﺮﺗﯽ ﮨﯿﮟ۔ ﺑﯿﭩﯿﺎﮞ ﺑﺎﭖ ﮐﮯ ﮐﮭﻮ ﺟﺎﻧﮯ ﮐﺎ ﻣﺎﺗﻢ ﻧﮩﯿﮟ ﮐﺮﺗﯿﮟ۔ﺗﻢ ﺑﮭﯽ ﺍﺱ ﻗﻮﻡ ﮐﯽ ﺑﯿﭩﯽ ﮨﻮ۔ ﺍﻥ ﺑﻠﻨﺪ ﭘﮩﺎﮌﻭﮞ ﮐﮯ ﺩﺭﻣﯿﺎﻥ ﺭﮨﻨﮯ ﻭﺍﻟﻮﮞ ﮐﺎ ﺣﻮﺻﻠﮧ ﭼﭩﺎﻥ ﮐﯽ ﻃﺮﺡ ﻣﻀﺒﻮﻁ ﮨﻮﺗﺎ ﮨﮯ۔ ﻭﻗﺖ ﺁﻧﮯ ﭘﺮ ﻭﮦ ﭘﮩﺎﮌ ﺑﻦ ﺟﺎﺗﮯ ﮨﯿﮟ ۔ ﺗﻤﮩﺎﺭﺍ ﺣﻮﺻﻠﮧ ﺑﮭﯽ ﭼﭩﺎﻥ ﺳﮯ ﺯﯾﺎﺩﮦ ﻣﻀﺒﻮﻁ ﮨﻮﻧﺎ ﭼﺎﮨﯿﮯ۔۔۔”

”ﺟﯽ ﭼﭽﺎ ﺟﯽ ﻣﯿﮟ ﺍﮎ ﺑﮩﺎﺩﺭ ﻗﻮﻡ ﮐﯽ ﺑﯿﭩﯽ ﮨﻮﮞ۔ ﻣﮕﺮ ﯾﮧ ﻗﻮﻡ ﺍﻣﻦ ﮐﯽ ﺷﯿﺪﺍﺋﯽ ﺑﮭﯽ ﮨﮯ۔ ﺁﭖ ﮐﻮ ﻣﻌﻠﻮﻡ ﮨﮯ ﮐﮧ ﺟﺲ ﺯﻣﯿﻦ ﭘﺮ ﮔﻮﻟﯿﻮﮞ ﮐﯽ ﮔﮭﻦ ﮔﺮﺝ ﮨﻮ ﺍﺱ ﺯﻣﯿﻦ ﺳﮯ ﭘﺮﻧﺪﮮ ﺭﻭﭨﮫ ﺟﺎﺗﮯ ﮨﯿﮟ۔ ﺍﻭﺭ ﺟﺐ ﭘﺮﻧﺪﮮ ﺭﻭﭨﮫ ﺟﺎﺋﯿﮟ ﺗﻮ ﺍﻣﻦ ﺭﻭﭨﮫ ﺟﺎﺗﺎ ﮨﮯ۔ ﭘﮭﺮ ﻭﮨﺎﮞ ﺍﻣﻦ ﮐﯽ ﺧﻮﺍﮨﺶ ﺭﮐﮭﻨﺎ ﻓﻀﻮﻝ ﮨﮯ۔ ﻭﮨﺎﮞ ﺻﺮﻑ ﻭﯾﺮﺍﻧﯿﻮﮞ ﮐﺎ ﺑﺴﯿﺮﺍ ﮨﻮﺗﺎ ﮨﮯ۔ ﮐﭽﮫ ﺑﺎﻗﯽ ﻧﮩﯿﮟ ﺭﮨﺘﺎ۔ ﻣﺠﮭﮯ ﻧﮩﯿﮟ ﺍﭨﮭﺎﻧﯽ ﯾﮧ ﺑﻨﺪﻭﻕ۔ ﻣﯿﮟ ﺍﻣﻦ ﺧﺘﻢ ﮐﺮﻧﮯ ﻣﯿﮟ ﺩﺷﻤﻦ ﮐﺎﺳﺎﺗﮫ ﻧﮩﯿﮟ ﺩﮮ ﺳﮑﺘﯽ۔۔۔۔۔۔”

ﯾﮧ ﮐﮩﮧ ﮐﺮ ﺩﺭﻧﺎﺏ ﺧﺎﻣﻮﺵ ﮨﻮ ﮔﺌﯽ ﺍﻭﺭ ﭘﮭﺮ ﮐﭽﮫ ﺳﻮﭺ ﮐﮧ ﺑﻮﻟﯽ  ”ﻣﮕﺮ ﺍﺱ ﮐﺎ ﻣﻄﻠﺐ ﯾﮧ ﻧﮩﯿﮟ ﮐﮧ ﻣﯿﮟ ﮨﺎﺭ ﮔﺌﯽ ﮨﻮﮞ۔ ﻣﯿﮟ ﮨﺎﺭﯼ ﻧﮩﯿﮟ ﻣﯿﮟ ﻟﮍﻭﮞ ﮔﯽ، ﻣﯿﮟ ﺿﺮﻭﺭ ﻟﮍﻭﮞ ﮔﯽ ﺩﺷﻤﻦ ﺳﮯ ﻣﮕﺮ ﺑﻨﺪﻭﻕ ﺳﮯ ﻧﮩﯿﮟ ﻗﻠﻢ ﺳﮯ۔۔۔”

                   **************

” ﺳﺮ ﯾﮧ ﻟﮍﮐﯽ ﺗﻮ ﮨﻤﺎﺭﮮ ﻟﯿﮯ ﺍﻥ ﻟﻮﮔﻮﮞ ﺳﮯ ﺑﮭﯽ ﺯﯾﺎﺩﮦ ﺧﻄﺮﻧﺎﮎ ﺛﺎﺑﺖ ﮨﻮ ﺭﮨﯽ ﮨﮯ ﺟﻮ ﮨﺘﮭﯿﺎﺭﻭﮞ ﺳﮯ ﻟﮍ ﺭﮨﮯ ﮨﯿﮟ۔ “ﺍﯾﮏ ﺑﻨﺪ ﮐﻤﺮﮮ ﻣﯿﮟ ﺧﻔﯿﮧ ﻣﻘﺎﻡ ﭘﺮ ﺍﻧﺘﻈﺎﻣﯿﮧ ﮐﮯ ﻋﮩﺪﮮ ﺩﺍﺭاﻥ ﮐﺎ ﺍﺟﻼﺱ ﺟﺎﺭﯼ ﺗﮭﺎ۔ ﺍﯾﮏ ﺑﮭﺎﺭﯼ ﺑﮭﺮﮐﻢ ﺳﻨﺠﯿﺪﮦ ﭼﮩﺮﮮ ﻭﺍﻻ ﺁﻓﯿﺴﺮ ﺳﺐ ﮐﯽ ﺑﺎﺗﯿﮟ ﺑﮩﺖ ﻏﻮﺭ ﺳﮯ ﺳﻦ ﺭﮨﺎ ﺗﮭﺎ۔ ﺍﺏ ﮐﯽ ﺑﺎﺭ ﺍﺱ ﻧﮯ ﺧﺎﻣﻮﺷﯽ ﺗﻮﮌﺗﮯ ﮨﻮﺋﮯ ﮐﮩﺎ۔

” ﯾﮧ ﺑﺎﺕ ﺗﻮ ﻣﺠﮭﮯ ﺑﮭﯽ ﻣﻌﻠﻮﻡ ﮨﮯ ﺍﺳﯽ ﻟﯿﮯ ﺗﻮ ﻣﯿﮟ ﻧﮯ ﯾﮧ ﺧﻔﯿﮧ ﺍﺟﻼﺱ ﺑﻼﯾﺎ ﮨﮯ۔ ﺍﺱ ﺍﯾﮏ ﻟﮍﮐﯽ ﻧﮯ ﮨﻤﺎﺭﯼ ﺳﺎﺭﯼ ﻣﺤﻨﺖ ﺿﺎﺋﻊ ﮐﺮ ﺩﯼ ﮨﮯ۔ ﺩﻧﯿﺎ ﮐﮯ ﮐﺌﯽ ﺍﺧﺒﺎﺭﺍﺕ ﻣﯿﮟ ﺍﺱ ﮐﮯ ﮐﺎﻟﻢ ﭼﮭﭗ ﺭﮨﮯ ﮨﯿﮟ۔ ﯾﮧ ﮨﻤﺎﺭﺍ ﺣﻘﯿﻘﯽ ﭼﮩﺮﮦ ﺩﻧﯿﺎ ﮐﻮ ﺩﮐﮭﺎ ﺭﮨﯽ ﮨﮯ۔ ﻋﺎﻟﻤﯽ ﺑﺮﺍﺩﺭﯼ ﮐﺎ ﺩﺑﺎﺅ ﺑﮍﮪ ﺭﮨﺎ ﮨﮯ۔ ﺑﻨﺪﻭﻕ ﺳﮯ ﻟﮍﺗﯽ ﺗﻮ ﮨﻢ ﺍﺳﮯ ﺩﮨﺸﺖ ﮔﺮﺩ ﻗﺮﺍﺭ ﺩﯾﺘﮯ۔ ﺍﺱ ﮐﯽ ﺗﺤﺮﯾﺮﯾﮟ ﻟﻮﮔﻮﮞ ﮐﻮ ﺑﻐﺎﻭﺕ ﭘﺮ ﺍﮐﺴﺎ ﺭﮨﯽ ﮨﯿﮟ۔ ﺍﺑﮭﯽ ﮐﻞ ﯾﮧ ﺧﺒﺮ ﭼﻞ ﺭﮨﯽ ﺗﮭﯽ ﮐﮧ ﭘﮍﮬﮯ ﻟﮑﮭﮯ ﻧﻮﺟﻮﺍﻧﻮﮞ ﮐﮯ ﺍﯾﮏ ﻭﻓﺪ ﻧﮯ ﻋﺎﻟﻤﯽ ﺭﮨﻨﻤﺎﺅﮞ ﺳﮯ ﻣﻼﻗﺎﺗﯿﮟ ﮐﯽ ﮨﯿﮟ۔ ﯾﮧ ﻟﻮﮔﻮﮞ ﮐﻮ ﺟﻮ ﺭﺍﺳﺘﮧ ﺩﮐﮭﺎ ﺭﮨﯽ ﮨﮯ ﻭﮦ ﺑﮩﺖ ﺧﻄﺮﻧﺎﮎ ﮨﮯ۔ ﻣﮕﺮ ﺍﺏ ﯾﮧ ﺑﺘﺎﺅ ﮐﮧ ﺍﺳﮯ ﺭﻭﮐﺎ ﮐﯿﺴﮯ ﺟﺎﺋﮯ ۔۔۔؟”

“ﺳﺮ ﺳﯿﺪﮬﯽ ﺳﯽ ﺑﺎﺕ ﮨﮯ ﺍﺳﮯ ﺧﺘﻢ ﮐﺮ ﺩﯾﺎ ﺟﺎﺋﮯ۔” ﺍﯾﮏ ﺍﻓﺴﺮ ﻧﮯ ﺗﺠﻮﯾﺰ ﭘﯿﺶ ﮐﯽ

” ﻭﺍﮦ ﻭﺍﮦ ﮐﯿﺎ ﺁﺋﯿﮉﯾﺎ ﮨﮯ۔ ﺷﺎﺑﺎﺵ ﺟﻮﺍﻥ ﺗﻤﮩﺎﺭﮮ ﻟﯿﮯ ﺗﻮ ﮐﮭﮍﮮ ﮨﻮ ﮐﮯ ﺗﺎﻟﯿﺎﮞ ﮨﻮﻧﯽ ﭼﺎہیے۔۔۔۔ !” ﺍﻓﺴﺮ ﻧﮯ ﺍﭘﻨﯽ ﺗﻌﺮﯾﻒ ﭘﮧ ﺍﺑﮭﯽ ﺻﺮﻑ ﺳﺮ ﺑﻠﻨﺪ ﮐﯿﺎ ﮨﯽ ﺗﮭﺎ ﮐﮧ ﺁﮔﮯ ﮐﮯ ﺍﻟﻔﺎﻅ ﻧﮯ ﺍﺱ ﮐﯽ ﺑﺘﯽ ﮔﻞ ﮐﺮ ﺩﯼ۔

” ﻧﮑﻤﮯ ﮐﮩﯿﮟ ﮐﮯ ﺍﺱ ﻣﺼﯿﺒﺖ ﮐﻮ ﺧﺘﻢ ﮐﺮﻧﺎ ﺩﻭﺳﺮﯼ ﻣﺼﯿﺒﺖ ﮐﻮ ﺟﻨﻢ ﺩﯾﻨﮯ ﮐﮯ ﻣﺘﺮﺍﺩﻑ ﮨﮯ۔ ﺳﺎﺭﯼ ﺩﻧﯿﺎ ﺍﺱ ﺳﮯ ﺍﻭﺭ ﺍﺱ ﮐﮯ ﺩﺷﻤﻨﻮﮞ ﺳﮯ ﻭﺍﻗﻒ ﮨﻮ ﭼﮑﯽ ﮨﮯ۔” ﺑﮍﮮ ﺁﻓﯿﺴﺮ ﻧﮯ ﺍﺱ ﮐﯽ ﺳﺮﺯﻧﺶ ﮐﯽ۔

” ﺳﺮ ﻣﯿﺮﮮ ﭘﺎﺱ ﺍﯾﮏ ﺍﻭﺭ ﺣﻞ ﮨﮯ ” ﺍﯾﮏ ﺍﻭﺭ ﺍﻓﺴﺮ ﻧﮯ ﺍﭘﻨﯽ ﻃﺮﻑ ﺳﮯ ﺫﮨﯿﻦ ﺑﻨﺘﮯ ﮨﻮﺋﮯ ﭘﺘﺎ ﺍﭼﮭﺎﻻ۔

” ﺳﺮ ﺍﺱ ﮐﮯ ﮔﮭﺮ ﻭﺍﻟﻮﮞ ﮐﻮ ﺍﯾﮏ ﺍﯾﮏ ﮐﺮ ﮐﮯ ﻏﺎﺋﺐ ﮐﺮ ﺩﯾﺎ ﭘﮭﺮ ﯾﮧ ﺧﻮﺩ ﮈﺭ ﺟﺎﺋﮯ ﮔﯽ۔” ﯾﮧ ﮐﮩﮧ ﮐﺮ ﻭﮦ ﺩﺍﺩ ﻟﯿﻨﮯ ﮐﮯ ﻟﯿﮯ ﺍﭘﻨﮯ ﺁﻓﯿﺴﺮ ﮐﯽ ﺟﺎﻧﺐ ﻣﮍﺍ۔

” ﻭﺍﮦ ﮐﯿﺎ ﺑﺎﺕ ﮨﮯ ۔ ﺗﻢ ﺗﻮ ﺍﺱ ﺳﮯ ﺑﮭﯽ ﺯﯾﺎﺩﮦ ﺫﮨﯿﻦ ﻧﮑﻠﮯ۔” ﺁﻓﯿﺴﺮ ﻧﮯ ﺍﭘﻨﺎ ﺳﺮ ﭘﮑﮍ ﻟﯿﺎ “ﺗﻢ ﺟﯿﺴﮯ ﻧﮑﻤﮯ ﻟﻮﮔﻮﮞ ﮐﯽ ﻭﺟﮧ ﺳﮯ ﺁﺝ ﮨﻢ ﺍﻥ ﻣﺸﮑﻼﺕ ﺳﮯ ﺩﻭﭼﺎﺭ ﮨﯿﮟ۔ ﺍﺱ ﮐﮯ ﮔﮭﺮ ﻭﺍﻟﻮﮞ ﻣﯿﮟ ﮨﮯ ﮨﯽ ﮐﻮﻥ؟ ﺻﺮﻑ ﺍﯾﮏ ﻣﺎﮞ ﮨﮯ ﺍﻭﺭ ﺍﮔﺮ ﺍﯾﺴﺎ ﮐﯿﺎ ﺑﮭﯽ ﮔﯿﺎ ﺗﻮ ﺍﺱ ﮐﯽ ﺗﺤﺮﯾﺮﻭﮞ ﻣﯿﮟ ﻣﺰﯾﺪ ﺷﺪﺕ ﺁ ﺟﺎﺋﮯ ﮔﯽ۔” ﺁﻓﯿﺴﺮ ﻧﮯ ﺩﻭﺳﺮﯼ ﺗﺠﻮﯾﺰ ﭘﺮ ﺍﭘﻨﮯ ﺧﺪﺷﺎﺕ ﻇﺎﮨﺮ ﮐﯿﮯ۔

” ﺳﺮ ﻣﯿﺮﮮ ﭘﺎﺱ ﺍﯾﮏ ﺍﻭﺭ ﭘﻼﻥ ﮨﮯ۔ ﻣﺸﮑﻞ ﺿﺮﻭﺭ ﻟﯿﮑﻦ ﮐﺎﻣﯿﺎﺏ ﺭﮨﮯ ﮔﺎ ” ﺍﯾﮏ ﺳﻨﺠﯿﺪﮦ ﺍﻓﺴﺮ ﻧﮯ ﮐﮩﺎ

” ﺗﻮ ﮐﮩﻮ ﻧﺎ ﻣﯿﮟ ﻧﮯ ﺗﻢ ﻟﻮﮔﻮﮞ ﮐﻮ ﺻﺮﻑ ﮐﮭﺎﻧﮯ ﮐﮯ ﻟﯿﮯ ﺩﻋﻮﺕ ﻧﮩﯿﮟ ﺩﯼ ﻧﮧ ﮨﯽ ﺗﻢ ﻟﻮﮒ ﻣﯿﺮﮮ ﻭﻟﯿﻤﮯ ﻣﯿﮟ ﺁﺋﮯ ﮨﻮﺋﮯ ﮨﻮ۔” ﺑﮍﮮ ﺁﻓﯿﺴﺮ ﮐﯽ ﺍﺱ ﺑﺎﺕ ﭘﺮ ﺯﻭﺭﺩﺍﺭ ﻗﮩﻘﮯ ﺑﻠﻨﺪ ﮨﻮﺋﮯ۔

“ﺳﺮ ﺍﺱ ﻟﮍﮐﯽ ﮐﮯ ﻗﺘﻞ ﮐﮯ ﺑﻐﯿﺮ ﮔﺰﺍﺭﮦ ﻧﮩﯿﮟ ﻟﯿﮑﻦ ﺍﺳﮯ ﻣﺎﺭﺍ ﺍﺱ ﻃﺮﺡ ﺟﺎﺋﮯ ﮐﮧ سانپ بھی مرجائے اور لاٹھی بھی نہ ٹوٹے یعنی ﮨﻢ ﭘﺮ ﺍﻟﺰﺍﻡ ﺑﮭﯽ ﻧﮧ ﺁﺋﮯ ﺍﻭﺭ ﻣﻮﺕ ﺑﮭﯽ ﺣﺎﺩﺛﺎﺗﯽ ﮨﻮ۔”

                   ***********

ﮔﮭﻨﮯ ﭘﯿﮍﻭﮞ ﮐﮯ ﻧﯿﭽﮯ ﺩﻭ ﮐﺮﺳﯿﺎﮞ ﭘﮍﯼ ﺗﮭﯿﮟ ﺍﻭﺭ ﺩﺭﻣﯿﺎﻥ ﻣﯿﮟ ﻣﯿﺰ ﭘﺮ ﭼﺎﺋﮯ ﮐﮯ ﻟﻮﺍﺯﻣﺎﺕ ﭘﮍﮮ ﺗﮭﮯ۔ ﺍﯾﮏ ﮐﺮﺳﯽ ﭘﺮ ﺩﺭﻧﺎﺏ ﺍﻭﺭ ﺩﻭﺳﺮﯼ ﭘﺮ ﭼﮭﻮﭨﮯ ﺑﺎﻟﻮﮞ ﻭﺍﻟﯽ ﺩﻟﮑﺶ ﺻﺤﺎﻓﯽ ﻣﻮﺟﻮﺩ ﺗﮭﯽ۔ ﺻﺤﺎﻓﯽ ﺍﯾﮏ ﻋﺎﻟﻤﯽ ﺍﺧﺒﺎﺭ ﺳﮯ ﻣﻨﺴﻠﮏ ﺗﮭﯽ۔ ﺍﺱ ﺻﺤﺎﻓﯽ ﮐﻮ ﮨﺮ ﮐﻮﺋﯽ ﺟﺎﻧﺘﺎ ﺗﮭﺎ ﺍﻭﺭ ﺩﻧﯿﺎ ﻣﯿﮟ ﺍﺱ ﮐﯽ ﺻﺤﺎﻓﺘﯽ ﺭﭘﻮﺭﭨﺲ ﮐﻮ ﻗﺪﺭ ﮐﯽ ﻧﮕﺎﮦ ﺳﮯ ﺩﯾﮑﮭﺎ ﺟﺎﺗﺎ ﺗﮭﺎ۔

“ﺻﺤﺎﻓﯽ : ﺁﭖ ﮐﯽ ﺗﺤﺮﯾﺮﯾﮟ ﺩﻥ ﺑﮧ ﺩﻥ ﻧﻮﺟﻮﺍﻧﻮﮞ ﻣﯿﮟ ﻣﻘﺒﻮﻝ ﮨﻮ ﺭﮨﯽ ﮨﯿﮟ ﺍﻭﺭ ﭘﮍﮬﻨﮯ ﻭﺍﻟﻮﮞ ﮐﯽ ﺗﻌﺪﺍﺩ ﻣﯿﮟ ﺭﻭﺯ ﺑﺮﻭﺯ ﺍﺿﺎﻓﮧ ﮨﻮ ﺭﮨﺎ ﮨﮯ ۔ ﺍﯾﺴﺎ ﮐﻮﻥ ﺳﺎ ﻃﺮﯾﻘﮧ ﮨﮯ ﺟﺲ ﻧﮯ ﺁﭖ ﮐﻮ ﮐﻢ ﻋﻤﺮﯼ ﻣﯿﮟ ﮨﯽ ﺍﯾﮏ ﻣﻘﺒﻮﻝ ﺍﺩﯾﺒﮧ ﺑﻨﺎ ﺩﯾﺎ؟

ﺩﺭﻧﺎﺏ : ﻣﯿﺮﺍ ﺧﯿﺎﻝ ﮨﮯ ﮐﮧ ﺍﯾﮏ ﺍﭼﮭﺎ ﻟﮑﮭﺎﺭﯼ ﮨﻮﻧﮯ ﮐﮯ ﻟﯿﮯ ﺁﭖ ﮐﮯ ﭘﺎﺱ ﺍﺣﺴﺎﺱ ﮐﺎ ﮨﻮﻧﺎ ﺿﺮﻭﺭﯼ ﮨﮯ۔ ﺁﭖ ﺍﭘﻨﯽ ﺗﮑﻠﯿﻒ ﮐﮯ ﺳﺎﺗﮫ ﺳﺎﺗﮫ ﺍﻧﺴﺎﻧﯿﺖ ﮐﯽ ﺗﮑﻠﯿﻒ ﮐﻮ ﺑﮭﯽ ﻣﺤﺴﻮﺱ ﮐﺮ ﺳﮑﯿﮟ ﺍﻭﺭ ﭘﮭﺮ ﺑﻼ ﺧﻮﻑ ﻭ ﺧﻄﺮ ﻭﮦ ﺳﺐ ﮐﮩﮧ ﺳﮑﯿﮟ ﺟﻮ ﺁﭖ ﻣﺤﺴﻮﺱ ﮐﺮﺗﮯ ﮨﻮﮞ۔ ﻗﻠﻢ ﻣﯿﮟ ﺟﻮ ﻃﺎﻗﺖ ﮨﮯ ﻭﮦ ﻃﺎﻗﺖ ﺩﻧﯿﺎ ﮐﮯ ﮐﺴﯽ ﮨﺘﮭﯿﺎﺭ ﻣﯿﮟ ﻧﮩﯿﮟ۔ ﻟﯿﮑﻦ ﺳﺎﺗﮫ ﺳﺎﺗﮫ ﺁﭖ ﮐﻮ ﻗﻠﻢ ﮐﮯ ﺗﻘﺪﺱ ﮐﺎ ﺑﮭﯽ ﺧﯿﺎﻝ ﺭﮐﮭﻨﺎ ﭼﺎﮨﯿﮯ۔

ﺻﺤﺎﻓﯽ : ﺁﭖ ﻧﮯ ﺍپنے ﻋﻼﻗﮯ ﮐﮯ ﺣﺎﻻﺕ ﮐﻮ ﺑﮩﺖ ﺍﺟﺎﮔﺮ ﮐﯿﺎ۔ ﻟﻮﮔﻮﮞ ﮐﻮ ﺟﮩﺪﻭﺟﮩﺪ ﭘﺮ ﺍﮐﺴﺎﯾﺎ، ﺩﻧﯿﺎ ﮐﮯ ﺳﺎﻣﻨﮯ ﺍﭘﻨﺎ ﻣﻘﺪﻣﮧ ﭘﯿﺶ ﮐﯿﺎ، ﺁﭖ ﮐﻮ ﻟﮕﺘﺎ ﻧﮩﯿﮟ ﮐﮧ ﺟﻦ ﻟﻮﮔﻮﮞ ﮐﮯ ﺧﻼﻑ ﺁﭖ ﻟﮍ ﺭﮨﯽ ﮨﯿﮟ ﻭﮦ ﺁﭖ ﭘﺮ ﭘﺎﺑﻨﺪﯼ ﻟﮕﺎ ﺩﯾﮟ ﯾﺎ ﺁﭖ ﮐﻮ ﺭﺍﺳﺘﮯ ﺳﮯ ﮨﭩﺎ ﺩﯾﮟ گے؟

ﺩﺭﻧﺎﺏ : ﺟﯽ ! ﺍﻧﮩﻮﮞ ﻧﮯ ﻣﺠﮭﮯ ﺑﮩﺖ ﻣﺮﺗﺒﮧ ﮈﺭﺍﯾﺎ ﺩﮬﻤﮑﺎﯾﺎ ﮨﮯ۔ ﭘﺎﺑﻨﺪﯼ ﻟﮕﺎﻧﮯ ﮐﯽ ﮐﻮﺷﺸﯿﮟ ﮐﯿﮟ ﺍﻭﺭ ﻣﺠﮭﮯ ﻗﺘﻞ ﮐﯽ ﺩﮬﻤﮑﯿﺎﮞ ﺑﮭﯽ ﺩﯾﮟ ﻟﯿﮑﻦ ﺍﻧﮩﯿﮟ ﺍﺱ ﺑﺎﺕ ﮐﺎ ﺍﭼﮭﯽ ﻃﺮﺡ ﺍﺣﺴﺎﺱ ﮨﮯ ﮐﮧ ﺍﺱ ﻗﻮﻡ ﮐﮯ ﻟﻮﮒ ﺩﮬﻤﮑﯿﻮﮞ ﺳﮯ ﮔﮭﺒﺮﺍﺗﮯ ﻧﮩﯿﮟ ﻣﻮﺕ ﺳﮯ ﮈﺭﺗﮯ ﻧﮩﯿﮟ۔ ﻭﮦ ﯾﮩﺎﮞ ﮔﮭﺮﻭﮞ ﮐﮯ ﮔﮭﺮ ﺍﺟﺎﮌ ﺩﯾﺘﮯ ﮨﯿﮟ ﻟﯿﮑﻦ ﺟﮩﺪﻭﺟﮩﺪ ﻣﯿﮟ ﮐﻤﯽ ﻧﮩﯿﮟ ﺁﺗﯽ۔ ﻭﮦ ﺍﮔﺮ ﻣﺎﮞ ﺑﺎﭖ ﮐﻮ ﻣﺎﺭ ﮈﺍﻟﯿﮟ ﺗﻮ ﺑﭽﮯ ﻣﯿﺪﺍﻥ ﻣﯿﮟ ﺁﺯﺍﺩﯼ ﮐﺎ ﻋﻠﻢ ﺍﭨﮭﺎﺋﮯ ﻟﮍﻧﮯ ﭘﺮ ﺗﯿﺎﺭ ﮨﻮﺗﮯ ﮨﯿﮟ۔ ﻣﺎﮞ ﺑﺎﭖ ﺳﮯ ﺑﭽﮯ ﭼﮭﯿﻦ ﺑﮭﯽ ﻟﯿﮯ ﺟﺎﺋﯿﮟ ﺗﻮ ﻭﮦ ﭘﮭﺮ ﺑﮭﯽ ﺁﺯﺍﺩﯼ ﮐﺎ ﻧﻌﺮﮦ ﺑﺎﺁﻭﺍﺯ ﺑﻠﻨﺪ ﻟﮕﺎﻧﮯ ﺳﮯ ﮔﮭﺒﺮﺍﺗﮯﻧﮩﯿﮟ۔ ﯾﮩﺎﮞ ﮐﯽ ﻣﺎﺋﯿﮟ ﺑﮩﻨﯿﮟ ﺑﯿﭩﯿﺎﮞ ﺩﺷﻤﻦ ﺳﮯ ﻟﮍﻧﮯ ﺧﻮﺩ ﻣﯿﺪﺍﻥ ﻣﯿﮟ ﺍﺗﺮﺗﯽ ﮨﯿﮟ۔ ﺍﺱ ﻗﻮﻡ ﮐﯽ ﺑﯿﭩﯽ ﮨﻮﻧﮯ ﮐﮯ ﻧﺎﻃﮯ ﻣﯿﮟ ﺑﻐﯿﺮ ﮐﺴﯽ ﮈﺭ ﺍﻭﺭ ﺧﻮﻑ ﮐﮯ ﺍﭘﻨﯽ ﺟﮩﺪﻭﺟﮩﺪ ﺟﺎﺭﯼ ﺭﮐﮭﻮﮞ ﮔﯽ۔ ﺍﻭﺭ ﻭﮦ ﺩﻥ ﺩﻭﺭ ﻧﮩﯿﮟ ﺟﺐ ﺩﺷﻤﻦ ﺷﮑﺴﺖ ﮐﮭﺎ ﮐﺮ ﺍﺱ ﺩﮬﺮﺗﯽ ﮐﻮ ﭼﮭﻮﮌ ﺟﺎﺋﯿﮟ ﮔﮯ۔ ﺁﺯﺍﺩﯼ ﮐﺎ ﻭﮦ ﺳﻮﺭﺝ ﺑﮩﺖ ﺟﻠﺪ ﻃﻠﻮﻉ ﮨﻮ ﮔﺎ ﻣﺠﮭﮯ ﯾﻘﯿﻦ ﮨﮯ۔”

                          *********

”ﺳﺮ ﺍﯾﮏ ﻣﺮﺗﺒﮧ ﭘﮭﺮ ﮨﻤﺎﺭﯼ ﺳﺎﺯﺵ ﻧﺎﮐﺎﻡ ﮨﻮ ﮔﺌﯽ ﮨﮯ ۔ ﮨﻢ ﺍﺱ ﻟﮍﮐﯽ ﮐﻮ ﺭﺍﺳﺘﮯ ﺳﮯ ﻧﮩﯿﮟ ﮨﭩﺎ ﺳﮑﮯ ۔” ﮐﻤﺮﮮ ﻣﯿﮟ ﺩﺍﺧﻞ ﮨﻮﺗﮯ ﮨﻮﺋﮯ ﺍﯾﮏ ﺍﮨﻠﮑﺎﺭ ﻧﮯ ﺧﺒﺮ ﺩﯼ۔ ﺍﺏ ﻭﮦ ﺍﻓﺴﺮ ﮐﮯ ﻣﻨﮧ ﺳﮯ ﻧﮑﻠﺘﮯ ﮨﻮﺋﮯ ﮔﺎﻟﯿﻮﮞ ﮐﮯ ﻋﻈﯿﻢ ﻃﻮﻓﺎﻥ ﮐﺎ ﻣﻨﺘﻈﺮ ﺗﮭﺎ۔

” ﮐﯿﺎ ﺑﮑﻮﺍﺱ ﮨﮯ ﻣﯿﮟ ﻧﮯ ﺗﻢ ﻟﻮﮔﻮﮞ ﮐﻮ ﮐﯿﺎ ﮐﮩﺎ ﺗﮭﺎ ﮐﮧ ﺁﺝ ﮨﺮ ﺣﺎﻝ ﻣﯿﮟ ﮐﺎﻡ ﮨﻮ ﺟﺎﻧﺎ ﭼﺎﮨﯿﮯ ﺍﻭﺭ ﺗﻢ ﻟﻮﮒ ﮨﻤﯿﺸﮧ ﮐﯽ ﻃﺮﺡ ﺧﺎﻟﯽ ﻣﻨﮧ ﻟﮯ ﮐﺮ ﺁ ﮔﺌﮯ ﮨﻮ۔ ﺷﺮﻡ ﺁﻧﯽ ﭼﺎﮨﯿﮯ ﺗﻢ ﻟﻮﮔﻮﮞ ﮐﻮ ﺍﯾﮏ ﻟﮍﮐﯽ ﮐﻮ ﺭﺍﺳﺘﮯ ﺳﮯ ﻧﮩﯿﮟ ﮨﭩﺎ ﺳﮑﺘﮯ۔” ﺍﻓﺴﺮ ﻏﺼﮯ ﻣﯿﮟ ﺟﺎﻧﮯ ﮐﯿﺎ ﮐﯿﺎ ﮐﮩﺘﺎ ﮐﮧ ﺍﭼﺎﻧﮏ ﺍﺳﮯ ﮐﺴﯽ ﺍﮨﻢ ﺷﺨﺼﯿﺖ ﮐﺎ ﻓﻮﻥ ﺁ ﮔﯿﺎ۔

“ﺳﺮ ﮨﻢ ﺍﭘﻨﯽ ﻃﺮﻑ ﺳﮯ ﭘﻮﺭﯼ ﮐﻮﺷﺶ ﮐﺮ ﺭﮨﮯ ﮨﯿﮟ۔ ﺳﺮ ﮐﺎﻡ ﻣﺸﮑﻞ ﺿﺮﻭﺭ ﻟﯿﮑﻦ ﮨﻮ ﮐﺮ ﺭﮨﮯ ﮔﺎ۔” ﮐﭽﮫ ﺩﯾﺮ ﭘﮩﻠﮯ ﻭﺍﻻ ﺍﻓﺴﺮ ﺟﻮ ﺷﯿﺮ ﮐﯽ ﻃﺮﺡ ﮔﺮﺝ ﺭﮨﺎ ﺗﮭﺎ ﺍﺏ ﺑﮭﯿﮕﯽ ﺑﻠﯽ ﺑﻦ ﭼﮑﺎ ﺗﮭﺎ۔ “ﺳﺮ ﯾﮧ ﺍﻧﭩﺮﻭﯾﻮ ﻣﯿﮟ ﻧﮯ ﺑﮭﯽ ﭘﮍﮬﺎ ﮨﮯ۔ ﭨﮭﯿﮏ ﮨﮯ ﺳﺮ ﺟﯿﺴﺎ ﺁﭖ ﮐﺎ ﺣﮑﻢ ! ﺍﺏ ﮨﻢ ﻭﯾﺴﮯ ﮨﯽ ﮐﺮﯾﮟ ﮔﮯ۔ ﭨﮭﯿﮏ ﮨﮯ ﺳﺮ ﺑﻨﺪﮦ ﺣﺎﺿﺮ ﮨﮯ ﮐﻮﺋﯽ ﺷﮑﺎﯾﺖ ﻧﮩﯿﮟ ﮨﻮ ﮔﯽ ﺁﭖ ﮐﻮ۔” ﻓﻮﻥ ﺭﮐﮫ ﮐﺮ ﮔﮩﺮﯼ ﺳﺎﻧﺲ ﻟﯿﺘﮯ ﮨﻮﺋﮯ ﺍﺱ ﻧﮯ ﺍﮨﻠﮑﺎﺭ ﮐﻮ ﺩﯾﮑﮭﺎ ” ﭨﮭﯿﮏ ﮨﮯ ﺍﺏ ﺗﻢ ﺟﺎﺅ ۔ ﺍﺏ ﮨﻤﺎﺭﺍ ﮐﺎﻡ ﺷﺮﻭﻉ ﮨﻮﺍ۔”

                  ***********

ﻓﻮﺝ ﮐﯽ ﺍﯾﮏ ﺑﮍﯼ ﺗﻌﺪﺍﺩ ﺩﺭﻧﺎﺏ ﮐﮯ ﮔﮭﺮ ﭘﺮ ﻣﻮﺟﻮﺩ ﺗﮭﯽ۔ ﻣﺴﻠﺢ ﺍﮨﻠﮑﺎﺭﻭﮞ ﻧﮯ ﺗﻤﺎﻡ ﺳﺎﻣﺎﻥ ﺗﮩﺲ ﻧﮩﺲ ﮐﺮ ﺩﯾﺎ۔ ﺩﺭﻧﺎﺏ ﮐﮯ ﺗﻤﺎﻡ ﻣﻀﺎﻣﯿﻦ ﺿﺒﻂ ﮐﺮ ﻟﯿﮯ ﮔﮯ۔ ﺩﺭﻧﺎﺏ ﭼﻼﺗﯽ ﮨﯽ ﺭﮦ ﮔﺌﯽ ﺍﻭﺭ ﻭﮦ ﺍﺳﮯ ﺑﺎﻏﯽ ﻗﺮﺍﺭ ﺩﮮ ﮐﺮ ﮔﮭﺮ ﻣﯿﮟ ﻧﻈﺮﺑﻨﺪ ﮐﺮ ﮐﮯ ﭼﻠﮯ ﮔﮯ۔ ﮔﮭﺮ ﮐﮯ ﺑﺎﮨﺮ ﺳﭙﺎﮨﯿﻮﮞ ﮐﺎ ﺍﯾﮏ ﺑﮍﺍ ﺩﺳﺘﮧ ﺗﻌﯿﻨﺎﺕ ﮐﺮ ﺩﯾﺎ ﮔﯿﺎ۔

                  ***********

ﺍﺱ ﻗﯿﺪ ﮐﮯ ﺑﺎﻭﺟﻮﺩ ﺩﺭﻧﺎﺏ ﻧﮯ ﮐﺌﯽ ﻣﻀﺎﻣﯿﻦ ﻟﮑﮫ ﮈﺍﻟﮯ ﻣﮕﺮ ﺍﺷﺎﻋﺖ ﮐﺎ ﮐﺎﻡ مشکل ﺗﮭﺎ۔ ﻭﮦ ﭼﺎﮨﺘﯽ ﺗﮭﯽ ﮐﮧ ﻭﮦ ﯾﮧ ﻣﻀﺎﻣﯿﻦ ﺩﻧﯿﺎ ﮐﮯ ﮐﺴﯽ ﺑﮍﮮ ﺍﺧﺒﺎﺭ ﻣﯿﮟ ﺷﺎﺋﻊ ﮨﻮﮞ ﺗﺎ ﮐﮧ ﻭﮦ ﻗﺎﺑﻀﯿﻦ ﮐﺎ ﺣﻘﯿﻘﯽ ﭼﮩﺮﮦ ﺩﻧﯿﺎ ﮐﻮ ﺩﮐﮭﺎ ﺳﮑﮯ ﮐﮧ ﮐﯿﺴﮯ ﻭﮦ ﭘﺮﺍﻣﻦ ﻟﮑﮭﺎﺭﯼ ﮐﮯ ﭘﯿﭽﮭﮯ ﺑﮭﯽ ﮨﺎﺗﮫ ﺩﮬﻮ ﮐﺮ ﭘﮍ ﭼﮑﮯ ﮨﯿﮟ۔ ﻟﯿﮑﻦ ﺍﺱ ﮐﺎ ﻟﯿﭗ ﭨﺎﭖ ﻓﻮﻥ ﺳﺐ ﺩﺷﻤﻦ ﮐﮯ ﻗﺒﻀﮯ ﻣﯿﮟ ﺗﮭﮯ۔

ﮔﮭﺮ ﮐﮯ ﺑﺎﮨﺮ ﺳﺨﺖ ﭘﮩﺮﮦ ﺗﮭﺎ۔ ﮐﻮﺋﯽ ﻃﺮﯾﻘﮧ ﺍﯾﺴﺎ ﻧﮧ ﺗﮭﺎ ﮐﮧ ﻭﮦ ﺍﭘﻨﮯ ﻣﻀﺎﻣﯿﻦ ﺷﺎﺋﻊ ﮐﺮﻭﺍ ﺳﮑﺘﯽ۔ ﻓﻮﺝ ﮐﮯ ﺍﮨﻠﮑﺎﺭ ﺍﺱ ﮐﯽ ﻧﻘﻞ ﻭ ﺣﺮﮐﺖ ﭘﺮ ﮐﮍﯼ ﻧﻈﺮ ﺭﮐﮭﮯ ﮨﻮﺋﮯ ﺗﮭﮯ۔ ﺁﺧﺮ ﺍﺱ ﮐﮯ ﺫﮨﻦ ﻣﯿﮟ ﺍﯾﮏ ﺗﺮﮐﯿﺐ ﺁﺋﯽ۔ ﺍﺱ ﮐﮯ ﮔﮭﺮ کی ﭘﭽﮭﻠﯽ ﺟﺎﻧﺐ ﺍﯾﮏ ﺩﺭﻭﺍﺯﮦ ﺗﻨﮓ ﮔﻠﯽ ﻣﯿﮟ ﮐﮭﻠﺘﺎ ﺗﮭﺎ۔ ﮔﻠﯽ ﮐﯽ ﺩﻭﺳﺮﯼ ﺟﺎﻧﺐ ﭼﭽﺎ ﺍﺣﻤﺪ ﮐﺎ ﮔﮭﺮ ﺗﮭﺎ۔ ﺩﺭﻧﺎﺏ ﻧﮯ ﺍﯾﮏ ﺧﻂ ﻟﮑﮫ ﮐﺮ ﺗﻤﺎﻡ ﻣﻀﺎﻣﯿﻦ ﻣﺎﮞ ﮐﮯ ﺣﻮﺍﻟﮯ ﮐﯿﮯ ﺍﻭﺭ ﺍﻧﮩﯿﮟ ﺳﺎﺭﯼ ﺗﺮﮐﯿﺐ ﺳﻤﺠﮭﺎ ﺩﯼ۔ ﻓﻮﺝ ﻣﺎﮞ ﮐﮯ ﺑﺠﺎﺋﮯ ﺩﺭﻧﺎﺏ ﭘﺮ ﻧﻈﺮ ﺭﮐﮭﮯ ﮨﻮﺋﮯ ﺗﮭﯽ ﺍﺱ ﻟﯿﮯ ﺩﺭﻧﺎﺏ ﮐﯽ ﻣﺎﮞ ﮐﻮ ﺑﺎﮨﺮ ﺟﺎﻧﮯ ﻣﯿﮟ ﻣﺸﮑﻞ ﻧﮧ ﮨﻮﺋﯽ ﺍﻭﺭ ﻧﮧ ﮨﯽ ﺍﻧﮩﻮﮞ ﻧﮯ ﺍﺱ ﮐﯽ ﻏﯿﺮ ﺣﺎﺿﺮﯼ ﮐﻮ ﻣﺤﺴﻮﺱ ﮐﯿﺎ۔ ﺩﺭﻧﺎﺏ ﮐﯽ ﻣﺎﮞ ﮐﭽﮫ ﮨﯽ ﺩﯾﺮ ﻣﯿﮟ ﺧﻂ ﺍﻭﺭ ﻣﻀﺎﻣﯿﻦ ﺍﺣﻤﺪ ﭼﭽﺎ ﮐﮯ ﺣﻮﺍﻟﮯ ﮐﺮ ﮐﮯ ﺍﺳﯽ ﺭﺍﺳﺘﮯ ﻭﺍﭘﺲ ﺁ ﮔﺌﯽ۔

               ***********

“ﺳﺮ ﮨﻢ ﭘﺮ ﺍﻧﺴﺎﻧﯽ ﺣﻘﻮﻕ ﮐﮯ ﻟﯿﮯ ﮐﺎﻡ ﮐﺮﻧﮯ ﻭﺍﻟﯽ ﺗﻨﻈﯿﻤﻮﮞ ﮐﺎ ﺑﮩﺖ ﺩﺑﺎﺅ ﮨﮯ۔ ﺳﺮ ﺩﺭﻧﺎﺏ ﮐﮯ ﻣﻀﺎﻣﯿﻦ ﭘﺎﺑﻨﺪﯼ ﮐﮯ ﺑﺎﻭﺟﻮﺩ ﺷﺎﺋﻊ ﮨﻮ ﺭﮨﮯ ﮨﯿﮟ۔ ﻋﺎﻟﻤﯽ ﻣﯿﮉﯾﺎ ﭘﺮ ﺑﮭﯽ ﺍﺱ ﻣﺴﺌﻠﮯ ﮐﻮ ﺧﻮﺏ ﺍﭼﮭﺎﻻ ﺟﺎ ﺭﮨﺎ ﮨﮯ۔ ﮨﻤﯿﮟ ﮨﺮ ﺣﺎﻝ ﻣﯿﮟ ﺍﺱ ﭘﺎﺑﻨﺪﯼ ﮐﻮ ﺧﺘﻢ ﮐﺮﻧﺎ ﭘﮍﮮ ﮔﺎ۔ ﺑﮩﺖ ﺩﺑﺎﺅ ﮨﮯ ﮨﻢ ﭘﺮ ۔”  ﻧﻈﺮ ﺑﻨﺪﯼ ﮐﮯ ﺍﺣﮑﺎﻣﺎﺕ ﻣﺎﻧﻨﮯ ﻭﺍﻻ ﺍﻓﺴﺮ ﺍﺏ ﻣﮑﻤﻞ ﺑﮯﺑﺲ ﮨﻮ ﮐﺮ ﺍﻋﻠﯽٰ ﺷﺨﺼﯿﺖ ﮐﻮ ﺗﻔﺼﯿﻼﺕ ﺳﮯ ﺁﮔﺎﮦ ﮐﺮ ﺭﮨﺎ ﺗﮭﺎ۔ ﺩﻭﻧﻮﮞ ﮐﯽ ﭘﺮﯾﺸﺎﻧﯽ ﺩﯾﺪﻧﯽ ﺗﮭﯽ۔ ﺳﻮ ﺍﺱ ﻧﮯ ﺍﻓﺴﺮ ﮐﻮ ﯾﮧ ﮐﮩﮧ ﮐﺮ ﻓﻮﻥ ﺑﻨﺪ ﮐﺮ ﺩﯾﺎ “ﺍﺱ ﺁﻓﺖ ﮐﻮ ﮨﺮ ﺣﺎﻝ ﻣﯿﮟ ﺭﺍﺳﺘﮯ ﺳﮯ ﮨﭩﺎﺅ۔”

******************

ﭘﺎﺑﻨﺪﯼ ﺯﯾﺎﺩﮦ ﺩﯾﺮ ﻧﮧ ﭼﻞ ﺳﮑﯽ ﻗﺎﺑﺾ ﮔﺮﻭﮦ ﮐﻮ ﭘﺎﺑﻨﺪﯼ ﺍﭨﮭﺎﻧﺎ ﭘﮍﯼ۔ ﺩﺭﻧﺎﺏ ﮐﺎ ﻗﻠﻢ ﺍﯾﮏ ﺑﺎﺭ ﭘﮭﺮ ﺗﻠﻮﺍﺭ ﺳﮯ ﺑﮭﯽ ﺗﯿﺰ ﭼﻠﻨﮯ ﻟﮕﺎ۔ ﻣﻀﺎﻣﯿﻦ ﻣﯿﮟ ﻗﺎﺑﺾ ﮔﺮﻭﭖ ﮐﮯ ﺧﻼﻑ ﺷﺪﺕ ﺁﻧﮯ ﻟﮕﯽ۔ ﺍﺱ ﮐﯽ ﺗﺤﺮﯾﺮﯾﮟ ﻧﻮﺟﻮﺍﻧﻮﮞ ﮐﻮ ﺑﻐﺎﻭﺕ ﭘﺮ ﻣﺴﻠﺴﻞ ﺍﮐﺴﺎ ﺭﮨﯿﮟ ﺗﮭﯿﮟ۔ ﺁﺯﺍﺩﯼ ﮐﯽ ﺗﺤﺮﯾﮏ ﻧﮯ ﻣﺰﯾﺪ ﺯﻭﺭ ﭘﮑﮍ ﻟﯿﺎ ﺗﮭﺎ۔ ﺍﺏ ﯾﮧ ﻣﺴﺌﻠﮧ ﻋﺎﻟﻤﯽ ﺳﻄﺢ ﭘﺮ ﺁﺋﮯ ﺭﻭﺯ ﺑﮩﺘﺮ ﺳﮯ ﺑﮩﺘﺮ ﭘﯿﺶ ﮨﻮﻧﮯ ﻟﮕﺎ۔ ﻋﺎﻟﻤﯽ ﻣﯿﮉﯾﺎ ﺑﮭﯽ ﺍﺱ ﻣﻮﺿﻮﻉ ﮐﻮ ﺑﮩﺘﺮ ﺍﻧﺪﺍﺯ ﻣﯿﮟ ﭘﯿﺶ ﮐﺮﻧﮯ ﻟﮕﺎ۔ ﯾﻮﮞ ﺩﮐﮭﺎﺋﯽ ﺩﮮ ﺭﮨﺎ ﺗﮭﺎ ﮐﮧ ﺷﺎﯾﺪ ﺍﺏ ﻧﯿﺎ ﺳﻮﺭﺝ ﺁﺯﺍﺩﯼ ﮐﺎ ﭘﯿﻐﺎﻡ ﻻﻧﮯ ﻭﺍﻻ ﮨﮯ ﺍﻭﺭ ﺍﺏ ﺍﺳﮯ ﻃﻠﻮﻉ ﮨﻮﻧﮯ ﺳﮯ ﮐﻮﺋﯽ ﻧﮩﯿﮟ ﺭﻭﮎ ﺳﮑﺘﺎ۔

                 ***********

ﺩﺭﻧﺎﺏ ﺍﭘﻨﮯ ﮔﮭﺮ ﮐﮯ ﺻﺤﻦ ﻣﯿﮟ ﭼﮩﻞ ﻗﺪﻣﯽ ﮐﺮﺗﮯ ﮨﻮﺋﮯ ﮈﻭﺑﺘﮯ ﺳﻮﺭﺝ ﮐﻮ ﺑﮩﺖ ﻏﻮﺭ ﺳﮯ ﺩﯾﮑﮫ ﺭﮨﯽ ﺗﮭﯽ۔ ﺷﺎﻡ ﮐﮯ ﺳﺎﺋﮯ ﭼﺎﺭ ﺳﻮ ﭘﮭﯿﻠﻨﮯ ﻟﮕﮯ ﺗﮭﮯ ﺍﻭﺭ ﺍﻭﭘﺮ ﺳﮯ ﯾﮧ ﺗﻨﺪ ﻭ ﺗﯿﺰ ﮨﻮﺍﺋﯿﮟ ﺧﺰﺍﮞ ﺭﺳﯿﺪﮦ ﭘﺘﻮﮞ ﮐﻮ ﺩﺭﺧﺘﻮﮞ ﺳﮯ ﺟﺪﺍ ﮐﺮﻧﮯ ﭘﮧ ﺗﻠﯽ ﮨﻮﺋﯽ ﺗﮭﯿﮟ۔ ﺧﺸﮏ ﭘﺘﻮﮞ ﮐﺎ ﺷﻮﺭ ﮨﻮﺍ ﮐﮯ ﺷﻮﺭ ﺳﮯ ﺑﮭﯽ ﺯﯾﺎﺩﮦ ﺗﮭﺎ۔ ﺁﺧﺮﯼ ﺷﻮﺭ ﺁﺧﺮﯼ ﺍﺣﺘﺠﺎﺝ۔ ﮨﻮﺍﺅﮞ ﺳﮯ ﺁﺧﺮﯼ ﮔﻠﮧ۔ ﺳﺎﺭﺍ ﺻﺤﻦ ﺯﺭﺩ ﭘﺘﻮﮞ ﺳﮯ ﺑﮭﺮ ﭼﮑﺎ ﺗﮭﺎ۔ ﺩﺭﺧﺖ ﺍﺟﮍ ﺭﮨﮯ ﺗﮭﮯ۔ ﺧﺎﻣﻮﺵ ﭘﺘﮯ ﺟﻮ ﺳﺎﺭﺍ ﺳﺎﻝ ﮨﻮﺍﺅﮞ ﺳﮯ ﻟﮍﺗﮯ ﺭﮨﮯ ﺗﮭﮯ ﺍﺏ ﺗﮭﮏ ﮐﺮ ﮔﺮﻧﮯ ﻟﮕﮯ ﺗﮭﮯ۔ ﻏﻢ ﻧﮯ ﺍﻥ ﮐﺎ ﺭﻧﮓ ﺑﺪﻝ ﮈﺍﻻ ﺗﮭﺎ۔ ﻣﮕﺮ ﺁﻭﺍﺯ۔۔۔ ﺁﺧﺮﯼ ﺁﻭﺍﺯ ﺑﮩﺖ ﺑﻠﻨﺪ ﮐﺮ ﺩﯼ ﺗﮭﯽ۔

ﻓﻀﺎ ﻣﯿﮟ ﻋﺠﯿﺐ ﺳﺎ ﺩﮐﮫ ﺗﮭﺎ، ﮐﺮﺏ ﺗﮭﺎ ۔ ﻭﮨﯽ ﺩﮐﮫ ﺟﻮ ﺩﺭﻧﺎﺏ ﮐﮯ ﺩﻝ ﮐﺎ ﮨﻤﯿﺸﮧ ﺳﮯ ﻣﺴﮑﻦ ﺭﮨﺎ ﮨﮯ۔ ﻟﯿﮑﻦ ﭘﺖ ﺟﮭﮍ ﮐﮯ ﺍﺱ ﻣﻮﺳﻢ ﻣﯿﮟ ﺍﺳﮯ ﻋﺠﯿﺐ ﺳﺎ ﺳﮑﻮﻥ ﻣﻠﺘﺎ ﺗﮭﺎ۔ ﺟﯿﺴﮯ ﻣﻮﺳﻢ ﻧﮯ ﺍﺱ ﮐﮯ ﺩﮐﮫ ﺑﺎﻧﭧ ﻟﯿﮯ ﮨﻮﮞ۔ ﺟﯿﺴﮯ ﯾﮧ ﺩﻧﯿﺎ ﺑﮭﯽ ﺍﺱ ﮐﺎ ﺩﮐﮫ ﻣﺤﺴﻮﺱ ﮐﺮ ﮐﮯ ﺍﺱ ﮐﺎ ﺳﺎﺗﮫ ﺩﮮ ﺭﮨﯽ ﮨﻮ۔

ﺩﺭﻧﺎﺏ ﮐﺎﻓﯽ ﺩﯾﺮ ﺳﮯ ﺧﯿﺎﻟﻮﮞ ﮐﯽ ﺩﻧﯿﺎ ﻣﯿﮟ ﮐﮭﻮﺋﯽ ﮨﻮﺋﯽ ﺗﮭﯽ۔ ﺁﺝ ﭘﮩﻠﯽ ﺩﻓﻌﮧ ﺍﺳﮯ ﻣﺤﺴﻮﺱ ﮨﻮ ﺭﮨﺎ ﺗﮭﺎ ﮐﮧ ﺍﺱ ﻧﮯ ﺟﯿﺖ ﮐﯽ ﭘﮩﻠﯽ ﺳﯿﮍﮬﯽ ﮐﻮ ﻋﺒﻮﺭ ﮐﺮ ﻟﯿﺎ ﮨﻮ۔ ﺍﯾﮏ ﻋﻈﯿﻢ ﻣﺸﻦ ﻣﯿﮟ ﺍﭘﻨﺎ ﺣﺼﮧ ﮈﺍﻝ ﺩﯾﺎ ﮨﻮ۔ ﺍﺳﮯ ﺍﯾﮏ ﻋﻈﯿﻢ ﺧﻮﺍﺏ ﮐﯽ ﺗﻌﺒﯿﺮ ﻗﺮﯾﺐ ﻣﺤﺴﻮﺱ ﮨﻮ ﺭﮨﯽ ﺗﮭﯽ۔ ﺧﻮﺩ ﮐﻮ ﻭﮦ ﻓﺎﺗﺢ ﺳﻤﺠﮫ ﺭﮨﯽ ﺗﮭﯽ۔ ﻭﮦ ﺍﻥ ﮐﯽ ﺧﯿﺎﻟﻮﮞ ﻣﯿﮟ ﮐﮭﻮﺋﯽ ﮨﻮﺋﯽ ﺗﮭﯽ ﺟﺐ ﺍﺳﮯ ﺍﻃﻼﻉ ﻣﻠﯽ ﮐﮧ ﻧﻮﺟﻮﺍﻧﻮﮞ ﮐﺎ ﺍﯾﮏ ﻭﻓﺪ ﺍﺱ ﺳﮯ ﻣﻠﻨﺎ ﭼﺎﮨﺘﺎ ﮨﮯ۔ ﮐﭽﮫ ﮨﯽ ﺩﯾﺮ ﻣﯿﮟ ﭼﻨﺪ ﻧﻮﺟﻮﺍﻥ ﺩﺭﻧﺎﺏ ﮐﮯ ﺳﺎﻣﻨﮯ ﺑﯿﭩﮭﮯ ﺗﮭﮯ۔ ﺍﻧﮩﻮﮞ ﻧﮯ ﺩﺭﻧﺎﺏ ﮐﻮ ﻗﺎﺑﺾ ﺍﻓﻮﺍﺝ ﮐﯽ ﺗﺎﺯﮦ ﮐﺎﺭﻭﺍﺋﯿﻮﮞ ﺳﮯ ﺁﮔﺎﮦ ﮐﯿﺎ ﺍﻭﺭ ﺍﭘﻨﮯ ﺍﺱ ﻣﻘﺼﺪ ﺳﮯ ﺁﮔﺎﮦ ﮐﯿﺎ ﮐﮧ ﻭﮦ ﺍﻥ ﮐﮯ ﺧﻼﻑ ﭘﺮﺍﻣﻦ ﺍﺣﺘﺠﺎﺝ ﮐﺮﻧﺎ ﭼﺎﮨﺘﮯ ﮨﯿﮟ۔ ﺩﺭﻧﺎﺏ ﻧﮯ ﻧﻮﺟﻮﺍﻧﻮﮞ ﮐﺎ ﺣﻮﺻﻠﮧ ﺑﮍﮬﺎﯾﺎ ﺍﻭﺭ ﺧﻮﺩ ﺑﮭﯽ ﺍﺣﺘﺠﺎﺝ ﻣﯿﮟ ﺷﺮﮐﺖ ﮐﯽ ﯾﻘﯿﻦ ﺩﮨﺎﻧﯽ ﮐﺮﻭﺍﺋﯽ۔

                  ***********

ﭘﺮﺍﻣﻦ ﺍﺣﺘﺠﺎﺝ ﺟﺎﺭﯼ ﺗﮭﺎ ۔ ﺩﺭﻧﺎﺏ ﮐﯽ ﺁﻭﺍﺯ ﺑﻠﻨﺪ ﺳﮯ ﺑﻠﻨﺪ ﮨﻮﺗﯽ ﺟﺎﺭﮨﯽ ﺗﮭﯽ۔ ﺍﺳﮯ ﻣﺤﺴﻮﺱ ﮨﻮ ﺭﮨﺎ ﺗﮭﺎ ﺟﯿﺴﮯ ﻭﮦ ﺑﮭﯽ ﺍﯾﮏ زﺭﺩ ﭘﺘﺎ ﮨﻮ۔ ﺟﺴﮯ ﺣﺎﻻﺕ ﺳﺒﺰ ﺳﮯ ﺳﺮﺥ ﮐﺮ ﺩﯾﺘﮯ ﮨﯿﮟ۔ ﺍﺱ ﮐﯽ ﺁﻭﺍﺯ ﺑﻠﻨﺪ ﺁﻭﺍﺯ ﻣﯿﮟ ﺗﺒﺪﯾﻞ ﮨﻮ ﭼﮑﯽ ﺗﮭﯽ ﻟﯿﮑﻦ ﺍﻭﺭ ﺑﮩﺖ سی ﺁﻭﺍﺯﯾﮟ ﺑﮭﯽ ﺍﺱ ﮐﯽ ﺁﻭﺍﺯ ﻣﯿﮟ ﺷﺎﻣﻞ ﺗﮭﯿﮟ۔

ﻗﺎﺑﺾ ﺍﻓﻮﺍﺝ ﻧﮯ ﭘﺮﺍﻣﻦ ﻟﻮﮔﻮﮞ ﭘﺮ ﺍﻧﺪﮬﺎ ﺩﮬﻨﺪ ﻓﺎﺋﺮﻧﮓ ﺷﺮﻭﻉ ﮐﺮ ﺩﯼ۔ ﻣﮕﺮ ﺍﻥ ﮐﺎ ﺍﺻﻞ ﻧﺸﺎﻧﮧ ﺗﻮ ﺩﺭﻧﺎﺏ ﺗﮭﯽ۔ ﺟﻮ ﺍﯾﮏ زﺭﺩ ﭘﺘﮯ ﮐﯽ ﻃﺮﺡ ﺷﻮﺭ ﮐﺮﺗﮯ ﮐﺮﺗﮯ ﺁﺧﺮ ﺧﺘﻢ ﮨﻮ ﮔﺌﯽ۔ ﮨﻤﯿﺸﮧ ﮐﮯ ﻟﯿﮯ ﺧﺎﻣﻮﺵ۔ ﮔﻮﻟﯽ ﺳﯿﻨﮯ ﭘﺮ ﮐﮭﺎﻧﮯ ﮐﮯ ﺑﺎﻭﺟﻮﺩ ﺩﺭﻧﺎﺏ زﺭﺩ ﭘﺘﮯ ﮐﮯ ﺁﺧﺮﯼ ﺍﺣﺘﺠﺎﺝ ﮐﯽ ﻃﺮﺡ ﭼﻼ ﺭﮨﯽ ﺗﮭﯽ “ﺁﺯﺍﺩﯼ ۔ ﺁﺯﺍﺩﯼ ۔ ﺁﺯﺍﺩﯼ ۔ ﮨﻢ ﮨﺎﺭﮮ ﻧﮩﯿﮟ ﻧﮧ ﮨﻢ ﮨﺎﺭﯾﮟ ﮔﮯ۔ ﺟﻮ ﺷﻤﻊ ﺟﻞ ﭼﮑﯽ ﮨﮯ ﻭﮦ ﺑﺠﮫ ﻧﮩﯿﮟ ﺳﮑﺘﯽ۔ ﯾﮧ ﺟﯿﺖ ﮐﯽ ﺷﻤﻊ ﮨﮯ۔ ﺟﯿﺖ ﮨﻤﺎﺭﯼ ﮨﯽ ﮨﮯ۔ ﺟﯿﺖ ﮨﻤﺎﺭﯼ ﮨﮯ۔”

اپنے لہو اور قلم سے جیت کی جو شمع وہ جلا چکی تھی اسے بجھانا دشمن کے لیے ناممکن تھا۔ زرد پتوں کو ہوا ٹہنی سے جدا کر کے سمجھتی ہے کہ وہ جیت گئی حالانکہ وہی زرد پتے مٹی میں مل کر آنے والی بہار کا پیام بنتے ہیں۔ 

Leave a Reply

Your email address will not be published. Required fields are marked *

×

Send a message to us on WhatsApp

× Contact