پانچ فروری کی کہی اور ان کہی داستان

آخر پانچ فروری کو ہوا کیا تھا؟

یہ مقام حیرت ہے کہ محض ڈھائی عشرے سے زیادہ ہوئے ہیں کہ نوجوان نسل کے ذہنوں سے یہ بات محو ہوچکی ہے کہ آخر پانچ فروری کو ہوا کیا تھا؟ پانچ فروری کسی داستانِ فتح کی یادہے یا کسی شکست کے جشن کا دن؟ کشمیریوں، پاکستان اور بھارت میں سے کس فریق نے پانچ فروری کو کس فریقِ مخالف کو پچھاڑا تھا؟ پانچ فروری کے بارے میں ان لوگوں کا استفہامیہ انداز کسی حد قابلِ قبول ہوتا ہے جو1990ء کےبعد سنِِ شعور کو پہنچے۔ مگر جو لوگ پہلے احتجاج میں شریک تھے، وہ بھی اس دن کے پس منظر کو بھول بھال چکے ہیں۔

سقوط ڈھا کہ اور کشمیر یوں کی مایوسی

1970ء اور 1980ء کی دہائیاں کشمیر میں امید اور مایوسی سے عبارت ہیں۔ ان دونوں دہائیوں میں گرد وپیش میں اور خودکشمیر کے اندر پیش آنے والے کچھ سیاسی واقعات نے کشمیریوں کو پہلے مایوسی کی گہرائیوں میں دھکیلا، پھر یکایک وہ امیدکی کہکشاوں میں سفر کرنے لگے۔ 1970ء کی دہائی میں سقوطِ ڈھاکا نے کشمیریوں کے اعصاب شل کرنے اور انہیں گرد وپیش اور مستقبل سے مایوس کرنے میں اہم کردار ادا کیا۔ اس مایوسی کا نتیجہ یہ نکلا کہ کشمیریوں کے سب سے مقبول لیڈرشیخ عبداﷲ اپنی بائیس سالہ سیاسی جدوجہد ترک کرکے نئی دہلی کے ساتھ شراکتِ اقتدار کا فارمولا طے کرنے پر مجبورہوگئے۔ انہوں نے حقِ خودارادیت کا مؤقف ترک کرکے کشمیر پر بھارت کے کنٹرول کو ایک حقیقت کے طور پر تسلیم کرنے کا فیصلہ کرلیا۔

یہ کشمیریوں کی مایوسی کا ایک اہم مقام تھا جب انہیں یہ یقین ہوگیا کہ اب پاکستان ان کی مدد کی پوزیشن میں نہیں رہا، اس لیے انہیں دہلی کے ساتھ کشمکش کے ماحول کے بجائے تسلیم ورضا کے ساتھ دن گزارنے کاراستہ اختیار کرنا چاہیے۔ اس ماحول میں بھی گو کہ امید پرست طبقہ اپنی جدوجہد جاری رکھے ہوئے تھا، مگر وہ کشمیری سماج کا مرکزی دھارا نہیں تھا۔ اس سماج کا مرکزی دھارا شیخ عبداﷲ کی ذات اور جماعت تھی جو اب بھارت کے ساتھ صلح کرچکی تھی۔ 1980ء کی دہائی میں اس مایوسی نے ایک نئے زاویے میں سفر کرنا شروع کیا۔

انقلاب ایران اور جہاد افغانستان کے بعد کشمیر کی انگڑائی

انقلابِ ایران اور جہادِ افغانستان وقت کی دو اہم سپر طاقتوں امریکا اور سوویت یونین کے خلاف برپا ہوئے۔ دونوںتحریکوں نے کشمیریوں کی مایوسی کو نئی امید میں بدل دیا۔ اس سے پہلے کشمیر پر فلسطین کی جدوجہد کے اثرات تھے۔ محمدمقبول بٹ اور اُن کے ساتھی کشمیری نیشنل ازم کی بنیاد پر یاسرعرفات، بن بیلا وغیرہ کو آئیڈیلائز کررہے تھے۔ ایران اورافغانستان کی تحریکوں کے بعد کشمیر میں اسلامی سوچ کی بنا پر جدوجہد کا نیا ڈھنگ اختیار کرنے کی سوچ اُبھرتی چلی گئی۔

سری نگر میں انٹر کشمیر کانفرنس

1980ء کی دہائی کے وسط میں کشمیر کی ایک اہم طلبہ تنظیم اسلامی جمعیت طلبہ جس کی قیادت شیخ تجمل الاسلام (حال ڈائریکٹر کشمیر میڈیا سروس اسلام آباد) کررہے تھے، ایرانی انقلاب کے اثرات کی زد میں آچکی تھی۔ شیخ تجمل کی قیادت میں اس طلبہ تنظیم نے کشمیر میں ایرانی طرز کا انقلاب برپا کرنے کا اعلان کرتے ہوئے ایک عالمی کانفرنس منعقد کرنے کااعلان کیا۔ واضح رہے کہ اُس وقت ایران میں بھی انقلاب کو برآمد کرنے کی سوچ تقویت پکڑ رہی تھی جو ایران سے باہراپنے اثرات ظاہر کرنے لگی تھی۔ بھارت نے اس کانفرنس کو بزور طاقت روک دیا، اور یوں شیخ تجمل اور اُن کے کچھ ساتھی گرفتار ہوئے، کچھ جلاوطن ہوئے اور کچھ زیرِ زمین چلے گئے۔ اسی دوران ایک سرگرم سیاسی کارکن عبدالمجید ڈارنے 1982ء میں ہی افغان جہادی گروپ حزبِ اسلامی کی پیروی کرتے ہوئے حزبِ اسلامی کشمیر کے نام سے ایک زیرزمین گروپ تشکیل دے کر اخبارات کو بیان جاری کرنا شروع کیے۔ یہ اس بات کا ثبوت تھا کہ کشمیریوں کا ایک طبقہ آہستہ روی کے ساتھ افغان جہاد کے اثرات کو قبول کرتا جارہا ہے۔ یہ عبدالمجید ڈار وہی تھے جو بعد ازاں حزب المجاہدین کے چیف کمانڈر بنے اور 2000ء میں انہوں نے بھارت کے ساتھ یک طرفہ جنگ بندی کا اعلان کرکے عالمگیر شہرت حاصل کی۔ اُدھر محمد مقبول بٹ اور اُن کے ساتھی مائو، چی گویرا، بن بیلا اور یاسرعرفات، عمرمختار، لیلیٰ خالد سمیت اُس دور کی مقبول تحریکوں کو آئیڈیلائز کرتے اور انہی کے اثرات کے تحت اپنے راستے پر کاربند تھے۔ یہ سارے حالات وواقعات کشمیر میں ذہنوں اور دلوں پر اپنے اثرات مرتب کررہے تھے۔ جس طرح 1970ء کی دہائی میں سقوطِ ڈھاکا اوراندرا عبداﷲ ایکارڈ نے کشمیریوں کی مایوسی کو انتہا پر پہنچا دیا،

اسی طرح 1980ء کی دہائی میں مقبول بٹ کی پھانسی اور مسلم متحدہ محاذ کے قیام کے دو اہم واقعات نے کشمیریوں کوامید کے نئے راستوں پر ڈال دیا۔ انہیں اندازہ ہوا کہ وہ وقت اور حالات کا دھارا بدل سکتے ہیں، کیونکہ بھارت سوویتیونین اور امریکا سے بڑی طاقت نہیں۔ جس طرح اندرا عبداﷲ ایکارڈ سقوطِ ڈھاکا کا نتیجہ تھا، بالکل اسی طرح مسلم متحدہمحاذ کا قیام مقبول بٹ کی شہادت کا غیر محسوس نتیجہ تھا۔ وہ سارا غصہ، سارا انتقام اور ساری مایوسی جو مقبول بٹ کیشہادت سے کشمیریوں کی روح کی گہرائیوں میں اتر گئی تھی، مسلم متحدہ محاذ کی صورت میں انڈیل دی گئی، اور اس کےبعد سوچوں کے ایک نئے سفر کا آغاز ہوگیا۔

کشمیر : عسکریت کی راہ پر

جنرل ضیاء الحق خطے میں اپنے ایجنڈے پر کاربند تھے۔ وہ افغانستان سے سوویت انخلاء کے بعد ذہن میں اپنا نقشہسجائے بیٹھے تھے، جبکہ امریکیوں کا ایجنڈا اور نقشہ اس سے یکسر جدا تھا۔ بھارت سیاچن پر قبضے کے بعد وولر بیراج سمیتپاکستان کے پانیوں پر ہاتھ صاف کرنے کے لیے کوشاں تھا۔ اس مرحلے پر اسلام آباد میں بھارت کو سوئی چبھونے کیحکمت عملی اپنائی گئی تھی، مگر کشمیر کے سیاسی ماحول کو عسکری میں بدلنا خاصا مشکل تھا۔ مسلم متحدہ محاذ کی شکستنے یہ مشکل آسان کردی۔ یوں کشمیر میں مسلح جدوجہد کا آغاز ہوگیا۔کوئی منظم جماعت اس جدوجہد کی حمایت نہیںکررہی تھی، البتہ نوجوانوں کے غیر منظم اور غیر معروف گروہوں نے جنہیں جموں و کشمیر لبریشن فرنٹ کی چھتریحاصل ہوگئی، اس جدوجہد کو آگے بڑھانے کا فیصلہ کرلیا۔ جنرل ضیاء الحق کا جہاز تباہ ہوگیا۔ بھارت نے مسلح جدوجہدکا ابتدائی تانا بانا بکھیر کر رکھ دیا۔ درجنوں نوجوان گرفتار ہوگئے۔ چند ایک کنٹرول لائن عبور کرکے آزادکشمیر آگئے۔ انمیں سے کئی ایک کو آزادکشمیر پولیس نے نظربند کردیا۔ پاکستان کے کارپردازان یہ سمجھنے سے قاصر تھے کہ جنرل ضیاء اورجنرل اختر عبدالرحمان کے بوئے گئے اس بیج سے جو کونپل پھوٹی ہے اس کے ساتھ کیا رویہ اپنایا جائے؟ ایک سوچ یہتھی کہ بدلے ہوئے حالات کے مطابق اسے جڑ سے اکھاڑ پھینکا جائے، اور دوسری سوچ یہ تھی کہ اس کی آبیاری کیجائے۔

صدر غلام اسحاق خان کی صدارت میں ہونے والے ایک اجلاس میں وزیراعظم بے نظیر بھٹو، جنرل مرزا اسلمبیگ، اورصدرِ آزادکشمیر سردار عبدالقیوم خان بھی شامل تھے جہاں اس کونپل کی آبیاری اور جنرل ضیاء الحق کی سرپرستیکو تسلسل دینے کا حتمی فیصلہ ہوا۔ یوں کشمیر میں مسلح جدوجہد نے ایک نئی کروٹ لی۔ نوجوانوں کے کئی نئے گروہعسکری تربیت کے لیے آزاد کشمیر کا رخ کرنے لگے۔ نہ صرف یہ کہ جموں وکشمیر لبریشن فرنٹ کی سرگرمیوں میں شدتآگئی بلکہ کئی نئے عسکری گروپ بھی قائم ہونے لگے۔

مفتی سعید کی بیٹی کا اغواء

اس دوران اسٹوڈنٹس لبریشن فرنٹ نے اُس دور کے بھارتی وزیر داخلہ مفتی محمد سعید کی بیٹی ڈاکٹر ربیعہ سعید کو سری نگرکے صورہ میڈیکل انسٹی ٹیوٹ سے اغوا کرکے سوپور کے ایک گھر میں چھپا دیا۔ سرد موسم تھا اور کشمیر کے پہاڑ برف سے ڈھک چکے تھے۔ مرکزی وزیر داخلہ کی بیٹی کا اغوا بھارت کے قومی وجود اور اَنا کے لیے ایک چیلنج تھا۔ بھارت نےڈاکٹر ربیعہ کی رہائی کے لیے ہر ممکن طریقہ اختیار کیا جس میں سب سے اہم طریقہ لوگوں کو گھروں سے نکال کر خانہ تلاشی کاعمل تھا۔ عورتوں، بچوں اور بوڑھوں کو برفانی راتوں اور برفانی راستوں میں کھڑا کرکے اُن کی اَنا کو زخمی کیا جاتا۔کشمیریوں کی اس زخمی اَنا نے جب ردعمل کا روپ دھارا تو ان دریائی جلوسوں میں ڈھل گیا جن میں دس دس لاکھ سےزیادہ افراد بھی شریک ہونے لگے۔

یوں کشمیریوں کی مجروح اَنا نے ایک باقاعدہ مزاحمت، بغاوت اور سول نافرمانی کی بتحریک کا روپ دھارا۔ ہر نوجوان انتقام میں بندوق کا متلاشی ہوگیا۔ اِدھر آزاد کشمیر ریڈیو ’’سرحد پار جائیں گے،کلاشنکوف لائیں گے‘‘ جیسے انقلاب آفریں ترانوں سے ردعمل کے شعلوں کو فلک بوس بنا رہا تھا۔ اس ماحول میں ہزاروں نوجوانوں نے جذبات سے مغلوب ہوکر اور غصے اور انتقام میں کنٹرول لائن عبور کرکے آزادکشمیر پہنچنا شروع کردیا۔ ریاستی ا داروں کی احتیاطی تدابیر دھری کی دھری رہ گئیں۔ کشمیری نوجوانوں کا خون تیزی سے بہہ رہا تھا۔ سیکڑوں افراد کےقافلے کنٹرول لائن پر بھارتی فوج کے ساتھ مڈبھیڑ کے نتیجے میں لٹ پٹ کر مظفر آباد پہنچتے، ان میں اگر کوئی قافلہ بہ حفاظت بھی پہنچتا تو اسے خوراک اور لباس کی ضرورت ہوتی۔ آزادکشمیر حکومت اس صورتِ حال سے قطعی لاتعلق تھی۔ جن ریاستی اداروں نے یہ کام اپنے ذمے لے رکھا تھا اُن کی تیاریاں بھی محدود تھیں۔ وہ کشمیر کے برف زاروں میں چھپےآتش فشاں کی شدت اور سنگینی سے بے خبر تھے۔ انہیں اندازہ ہی نہیں تھا کہ کشمیری اس قدر قوت سے اُٹھ کھڑےہوں گے۔ اس لیے ان کا ’’حسن ِانتظام‘‘ بھی اس نئی صورتِ حال میں جواب دے رہا تھا۔

پانچ فروری یو م یکجہتی کا آغاز

قاضی حسین احمد مرحوم نے 5جنوری 1990 ء کو ملتان میں ایک پریس کانفرنس سے خطاب کرتے ہوئے انکشاف کیا کہ مقبوضہ کشمیر سے ہزاروں افراد بھارتی مظالم سے تنگ آکر آزاد کشمیر پہنچ رہے ہیں، حکومتیں ان کی مدد نہیں کررہیں۔ قوم آگے بڑھ کر ان کی مدد کرے۔ اس کے ساتھ ہی ٹھیک ایک ماہ بعد یعنی 5 فروری کو برسرپیکار کشمیریوں کے ساتھ اظہارِیک جہتی کے لیے عام ہڑتال کی اپیل کی۔ اس ہڑتال پر کشمیر سے پہلا ردعمل ایک معروف کمانڈر محمد احسن ڈار کی طرف سے آیا جنہوں نے اس کا خیرمقدم کرتے ہوئے کہا کہ اب ہم زیادہ اعتماد کے ساتھ اپنی تحریک کو آگے بڑھائیں گےکیونکہ ہمیں سرحد پار سے اخلاقی مدد ملنا شروع ہوگئی ہے۔ اس کے بعد پنجاب کے وزیراعلیٰ میاں نوازشریف اور بعد ازاںوزیراعظم پاکستان بے نظیر بھٹو نے بھی اس ہڑتال کی حمایت کا اعلان کیا۔ اس طرح پانچ فروری کشمیریوں کی جدیدتحریک سے یک جہتی کے لیے ایک رسم و ریت کی شکل اختیار کرگیا ہے۔ لیکن دنیا میں آنے والی ٹیکنالوجی کی تبدیلیوںاور ترقی نے عوام کے شعور کی سطح خاصی بلند کی ہے۔کشمیری یوں بھی مزاجاً جذباتی سہی مگر شعور اور آگہی میں دنیا کی کسی بھی ذہین قوم کے ہم پلہ ہیں۔ نابغۂ روزگار حضرتِ علامہ اقبال نے یوں بے سبب اس قوم کو ’’قومِ نجیب و چربودست و تر ماغ ‘‘ نہیں کہا تھا۔ یہ اس قوم کو علامہ کا خراجِ تحسین اور اس کی ذہانت کے آگے سرِتسلیم خم کرنے کےمترادف تھا۔اس لیے ایسی قوم کو طفل تسلیوں سے زیادہ عرصے تک بہلایا نہیں جاسکتا۔

پاکستان کی کشمیر پالیسی

اس و قت ریاست پاکستان کی پالیسی بھارت نوازی سے لچکی ہوئی شاخ کی مانند ہے، اور بھارت کے بجائے حکومتِپاکستان کو للکارنے اور جگانے کی زیادہ ضرورت ہے۔ کیونکہ کشمیریوں کا بھارت سے گلے شکووں کا کوئی رشتہ وتعلق ہیقائم نہیں۔ وادیٔ کشمیر کا عام مسلمان بھارت کو غاصب سمجھتا تھا اور سمجھتا رہے گا۔ وہ اپنے اس ’’فہمِ بھارت‘‘کیقیمت عشروں سے چکا رہا ہے۔ بھارت اسے لاکھ اپنا کہے، اٹوٹ انگ سمجھے، اس کی جیب میں گاندھی جی کی تصویروںوالے نوٹ اور ہاتھ میں ری پبلک آف انڈیا نام کا سیاہ پاسپورٹ زبردستی تھما دے مگر کشمیریوں کا دل ہندوستانی نہیںبن سکتا۔ یہ بات بھارت کو پوری طرح معلوم ہے۔ اس لیے کشمیر کا عام آدمی بھارت کے ساتھ ایک جبری ناتے میںبندھا ہوا ہے، مگر کشمیریوں کو پاکستان سے ہر دور میں بے شمار توقعات رہی ہیں۔ برہان مظفر وانی کی شہادت کے بعدپانچ ماہ تک جاری رہنے والی مزاحمت میں جب کشمیر میں تمام کاروبار معطل تھا، صرف ایک کاروبار پورے عروج پر رہا،وہ تھا سری نگر کے ڈائون ٹائون کی تنگ گلیوں میں پاکستانی پرچم کی تیاری اور فروخت۔ شہیدوں کو پاکستانی پرچم میں لپیٹکر سپردِ خاک کیا جاتا رہا۔ اس طرح پانچ فروری کو یوم یک جہتیٔ کشمیر محبت اور تعاون کا یک طرفہ اظہار نہیں بلکہمقبوضہ کشمیر کے عوام سبز ہلالی پرچم لہرا کر اور جانیں قربان کرکے یک جہتی کا بے مثال مظاہرہ کررہے ہیں۔

برہان وانی کی شہادت کے بعد مزاحمت

برہان مظفر وانی کی شہادت کے بعد بھارت کے سابق وزیر خارجہ یشونت سنہا کی قیادت میں آنے والے وفد کی رپورٹ کاخلاصہ یہ ہے کہ کشمیر میں آج ایک ایسی نسل پروان چڑھ رہی ہے جو موت کے خوف سے آزاد ہے۔آج کے بھارت کیسب سے بڑی مشکل یہ ہے کہ کشمیر میں اس کا سامنا موت کے خوف سے بے نیاز نسل سے ہے۔