غلافِ چشم میں رکھا ہوا ہے خواب کوئی
ممبر حریم ادب ، "ام محمد عبداللہ" کی خوب صورت کتاب " امی جان کی ڈائری" پر تبصرہ)از قلم : عصمت اسامہ ۔ بچوں کی تعلیم و تربیت ،ہر ماں کا خواب ہے جو بچے کی پیدائش کے بعد سے ہی غلافِ چشم میں رکھا ہوتا ہے ۔ ہر ماں روزمرہ کے کاموں میں ،کبھی کھانا بناتے وقت ،کبھی بچوں کو پڑھاتے وقت یہی سوچتی ہے کہ میرا بچہ بڑا ہوکے کچھ بن جاۓ مگر مبارک ہیں وہ مائیں جو اپنے بچوں کے ساتھ " امت کے بچوں" کی بھی فکر کرتی ہیں،سعادت مند ہیں وہ ہاتھ جو گھر داری کی بے پناہ مصروفیت میں بھی قلم تھامے ،ادب تخلیق کر رہے ہیں۔ " ام محمد عبداللہ" کا شمار ان ہی ماؤں میں ہوتا ہے،ان کی تحریریں ،کتابیں ،آن لائن تربیتی کلاسیں ،ان کے درد_ دل کی آئینہ دار ہیں۔ اس وقت میرے ہاتھ میں ان کی کتاب " امی جان کی ڈائری" ہے جس میں چھوٹی چھوٹی خوب صورت مگر پر اثر کہانیاں ہیں جو ماؤں اور بچوں ،دونوں کے لئے پڑھنے کے قابل ہیں۔ ان کہانیوں...