شعبہ تصنیف و تالیف

پریس فار پیس کے شعبہ تصنیف و تالیف کا مقصد ریاست جموں و کشمیر سے تعلق رکھنے  والے لکھاریوں ، مصنفیں ،   ادباء و شعرا  کے علاوہ   کشمیر کے موضوع پر دیگر لکھنے والوں کے بھی  کوائف  اور تخلیقات کو مرتب کرنا ہے۔   اس کاوش کا مقصد جموں و کشمیر کے ادبی ، تخلیقی اور فکری سرمایے کو ایک پلیٹ فارم پر مہیا کرنا ہے۔ تاکہ مقامی  تاریخ ، ثقافت، سماج شعر وادب ، معیشت ، تعلیم اور دیگرموضوعات کے متعلق قد یم وجدید تخلیقات کو نئی نسل جس کا تعلق کتاب سے ختم ہوتا جا رہا ہے اس تک یہ علمی ذخیرہ  پہنچایا جاۓ ۔ اور یہ کہ مستقبل میں ان موضوعات پر مقامی حوالوں سے مزید تحقیق کرنے والوں کو خاطر خواہ رہنمائی مل سکے ۔ خطہ  جموں و کشمیر  کے سپوتوں نے ایسا شاندار ادبی وعلمی ذخیرہ مرتب کیا ہے کہ عقل دنگ رہ جاتی ہے۔ ہماری  انتظامی صلاحیت اور وسائل وہ تمام تحریریں قارئین تک پہنچانے کے لئے بہت محدود ہیں ۔ تاہم ہماری  کوشش ہے کہ  آپ کو شاعری،  افسانے،  کالم،  تاریخی واقعات وشخصیات،  تنقیدی مضامین ،  کتابوں پر تبصرے ، سیاسی ، سماجی اور معاشی مسائل پر تجزیے،  علاقائی و قومی مسائل،ثقافت اور  زبانوں پر وہ سب کچھ جو آپ پڑھنا چاہتے ہیں پریس فار پیس کی ویب سائیٹ پر  مل جائے ۔